Paunak 16:28 - Tedim Bible

²⁸ Mihoih lote in kitotna piang sak a, mi gensiate in lawmta ki-it kimlai kimuhdah sak hi.

Tedim Bible Revision 2017

²⁸ Mihoih lote in kitotna piangsak a, mi gensiate in lawmta ki-it kimlai kimudahsak hi.

Paunak 16:28 Referans Kwoze

Paunak 17:9

Mi’ khialhna a maisakte, midangte in it-in lawm hau uh a, mi’ khialhna ciamtehna in lawm taanna hi.

ROM (Romans) 1:29

diklohna tawh, gitlohna tawh, duhgawh huaihamna tawh, hazatna tawh, en’na tawh, mi thahna tawh, kitotna tawh, kheemna tawh, etsat muhdahna tawh a dim uh hi.

Paunak 18:8

Gensiatna in an a lim mahmah tawh kibang a, thakhatin i sungah kihupsuk hi.

Paunak 15:18

Lungtomna in kitotna piangsak a, lungduaina in kilemna piang sak hi.

Paunak 6:14

A lungsim-ah thusia bekbek ngaihsun niloh a, a omna peuh-ah buaina piangsak hi.

Paunak 6:19

zuauthu a ban gengen teci man lote, a lawmte lakah kitotna a piangsakte ahi hi.

2 KORIN NIHNA 12:20

Bang hang hiam na cih uh leh, ka hong tun’ ciangin note in ka deih mi na hih loh uh a, keimah in zong no deih loh mi hi ding ahi zongin, note lakah kitotna, gendaina, nakpi-a hehna, kiseelna, kiphunsanna, kikhenna, kiphatsak theihna, buaina a suah ding ahi zongin,

Paunak 30:33

Bawngnawi, meekmeek lehang thawhbat hong suak a, mi khat a nak tupsak lehang si hong luang a, mi phin lehang kitotna hong piang hi.

1 SAMUEL MASA 24:9

Tua ciangin David in Saul kiangah, “Bang hangin, ‘En in, David in na siat nading zong hi,’ a ci mite’ thu um na hi hiam?

Paunak 29:22

A heh pahpahte in kitotna piangsak a, a heh baihte khial thei tawntung hi.

Paunak 16:27

Migilote in siat nading bek zongzong a, a kampaunate uh na a kangtum thei meikuang tawh kibang hi.

Paunak 16:29

A ngongtat mite in a lawmte zol a, lungkhamna sung tun’pih hi.

Paunak 17:17

Lawm citak in a tawntungin hong it a, i sanggamte in i lungkhamna hong thuakpih dinga piang ahi hi.

Paunak 18:6

Mihaite in kitot nading a pat ciangin, hong sat un, ci-a a ngenngen ahi hi.