Paunak 16:23 - Tedim Bible

²³ Mipilte in thu ngaihsun kawmin kam pau uh a, amau’ pauna zaknophuai semsem hi.

Tedim Bible Revision 2017

²³ Mipilte in thu ngaihsun kawmin kampau uh a, amauʼ pauna zaknophuai semsem hi.

Paunak 16:23 Referans Kwoze

Paunak 15:28

Mihoihte in a kampau ding ngaihsun phot a, migilote’ paupakna in thusia tawh kizom hi.

Kolose 3:16

Khazih’ thu in pilna apawlpawl tawh note sungah om ta hen. Late-a kipan biakna la leh Kha Siangtho tawh kipawl la apawlpawl tawh note khat leh khat kihilhin, kitai-in, hehpihna thupha lungsim nei-in, Pasian tungah lasa-in phat un.

Late 45:1

Thubul hoih khat tawh keima lungsim hong dimlet-in, ka late kumpipa tungah ka sak a, ka leii in lai theipa’ laikung tawh kibang hi.

Paunak 16:21

Lungsim pilte in thu muhna tawh kam pau uh a, amau’ kam khumna, zaknophuai kisa semsem hi.

Paunak 16:22

Pilna in mipilte’ adingin hin’na tuinak bang hi a, mihaite ahih leh amau’ haina mah in daan thuak sak hi.

JOB (Job) 8:10

Amaute in nang hong hilhin, a thu hong genin, amau’ phawksa thute hong gen ding hilo ahi hiam?

JOB (Job) 15:2

“Job aw, mawk paupau kei in! Nang’ pau bangin mipilte pau ngei lo a,

Paunak 5:2

Tua hi leh, a kilawmin na gamtat nading zia na thei ding a, na kampaunate in na pil lam tak hong kilangsak ding hi.

Paunak 15:7

Mipilte’ kampauna in pilna khang sak a, mihaite lungsimah thuman lohna bek om hi.