Paunak 16:20 - Tedim Bible

²⁰ Thuhilhna a mang mite, a maa vang ding a, Topa a muang mite, thupha ngah ahi hi.

Tedim Bible Revision 2017

²⁰ Thuhilhna a mang mite a maa vang dinga, Topa a muang mite a lung dam ding hi.

Paunak 16:20 Referans Kwoze

Isaiah 30:18

Tua ahih ciangin note hehpih nuamin Topa in hong ngak hi; note tungah hehpihna hong lah ding amah kipakta hi. Bang hang hiam cih leh Topa pen a thutang Pasian ahi hi; amah a muangte khempeuh thupha ngah ahi hi.

Late 34:8

Topa’ hoihna sin un la, hoih hi, ci-in thei un! Amah a bel mi in lungdam hi.

Paunak 19:8

Pilna a zongpa in ama phattuam nading a zong hi a, thu a thei mipa’ sepna mavang ding hi.

Mattiu 10:16

“Ngia hon lakah tuute bangin no kong sawl hi. Tua ahih ciangin, note in gul bangin na pil un la, vakhu bangin gilo nei loin na om un.

Daniel 6:23

Kumpipa a lungdam mahmah a, humpinelkai koihna khuk sung pan Daniel kaihkhiat dingin thu a pia hi. Tua ahih ciangin Daniel kaikhiato uh a, liamna themcik zong a neih loh lam a mu uh hi. Bang hang hiam cih leh amah in Pasian a muang hi.

Daniel 3:28

Tua ciangin kumpipa in “Shadrak,’ Meshak,’ Abednego’ Pasian phat un. Amah in a vantungmite sawl a, amah a muang ama nasem hih mite a honkhia hi. Amaute in ka thupiakna mang loin, amau’ Pasian longal pasian dang mai-ah kunin bia nuam lo uh ahih manin mei phualpi sunga khul ding a ut zaw uh hi,” a ci hi.

Paunak 8:35

Kei hong mu mipa in nuntakna a mu hi a, Topa’ mai-ah maipha ngah hi.

Late 146:5

Jakob’ Pasian pen ama huhpa hi-in, ama Topa Pasian, a muangpa in mi lungdam ahi hi.

Paunak 13:15

Thu ngaihsut theihna in maipha ngahna hi a, zuautatna in lungkhamna bek piangsak hi.

Late 125:1

Topa a muang mite pen, ling loin a om tawntung Zion Mual tawh kibang hi.

1 KHANG TANGTHU MASATE 5:20

amaute a do dingin huhna a ngah uh ciangin Hagri mite leh amau tawh a pawl khempeuhte amaute’ khut sungah kipia hi; bang hang hiam cih leh gal kidona sungah amaute in Pasian’ tungah ko uh a, amaute in amah muang ahih manin amah in amaute’ thuumna pia hi.

Paunak 17:2

A pil silapa in a topa’ ta hai tungah aana nei-in, a topa’ gamh pawlkhat a luah hi.

Late 32:10

Migilote in gimna tampi thuak uh a, Topa a muangte ahih leh itna kip in tuamcip hi.

Paunak 13:13

Thu kihilh ding ut lohna in siat ding utna hi a, thu kihilhna zuihna in lungnopna hi.