Paunak 16:19 - Tedim Bible

¹⁹ Mi kihisak tawh kipawlin van kisutte ngahna sangin, mizawngte tawh kikhawlin mi neu-a om hoihzaw hi.

Tedim Bible Revision 2017

¹⁹ Mi kihisak tawh kipawlin vankisutte ngahna sangin mizawngte tawh kikhawlin mi neu a om hoih zaw hi.

Paunak 16:19 Referans Kwoze

Mattiu 5:3

“Lungsim niamkhiatte in thupha a ngah ding uh hi. Bang hang hiam na cih uh leh, Vantung Gam in amau gam uh ahi ding hi.”

Isaiah 57:15

Bang hang hiam cih leh a sang, a lian, tawntung sunga a teeng Pa, ama min Siangtho ahi pa in hih bangin ci hi: “Keimah in a sangna mun leh a siangtho munah ka om a, a kiniamkhiat mite’ lungsim leh a kisik mite’ lungsim a thakhauhsak kik dingin kisikna leh kiniamkhiatna lungsim a neite tawh zong ka omkhawm hi.

Late 138:6

Bang hang hiam cih leh Topa lian napi-in amah in a neute don hi; ahih hangin a kiphasakte ahih leh amah in gamlapi panin mu thei hi.

Late 34:18

Lungsim kitamzante kiangah Topa om a, lungsim zan-gawpte hon hi.

Paikhiatna 15:9

Galte in, ‘ka delh dinga, ka pha ding hi. A nate uh ka hawm ding a, ka deih zahzah-in tuate ka tang ding hi. Ka namsau ka dok ding a, ka khut in amaute susia ding hi,’ ci hi.

Isaiah 53:12

Tua ahih ciangin amah pen mi liante tawh nate ka hawmsak ding a, amah in mi hatte tawh nate hawm ding hi; bang hang hiam cih leh amah in sihna dongin a nuntakna piakhia a, khialhna a nei mite tawh kisim khawm hi; ahih hangin amah in mi tampi’ mawhna pua a, khialhna neite’ adingin thuumna bawlsak hi.

Isaiah 10:6

Pasian thu a ngaihsun lo minam leh keimah hong hehsak mite’ neihsa sutin lak sakin, amaute pen konglak buannawng bangin a tuancil dingin amaute sawlin thu ka pia hi.

Isaiah 9:3

Nangmah in amaute na pung sak a, a lungdamna uh na khang sak hi; anlak hun ciang-a lungdamna leh mite in vankisutte a hawm ciangun a lungdam bangun, nangma mai-ah amaute lungdam uh hi.

Paunak 29:23

A kiphasakte in niamkhiatna thuak ding a, a kiniamkhiatte in pahtawina ngah ding hi.

Thukhente 5:30

‘Amaute in van kinusiate mu-in hawm hilo ahi hiam?—Mi khat ciangin nungak khat ahih kei leh nih pai; a kinusia puan kinimte Sisera adingin a kinusia puan kinim a kizemte, a kinim a kizem puan nihte ka ngawng’ ading maw?” a ci hi.

Paunak 1:13

Na a manpha a namkimin i sut ding a, tua bang nate i inn dimin i nei ding hi.

Paunak 1:14

Kote tawh hong kipawl lecin, i ngah khempeuh i hawm ding hi,” hong cih uh hangin ut kei in.

Paunak 3:34

Amah in mi kihisakte bang mahin sim lo a, a kiniamkhiatte tungah maipha pia hi.

Paunak 25:7

Uliante a awn dingin hia lai-ah va tusuk in hong kicih sangin, hih lai-ah hong tuto in, hong kicih ding hoihzaw hi.