Paunak 16:15 - Tedim Bible

¹⁵ Kumpipa maitaii leh nuntakna hi a, ama pahtakna in tuk-guah a zusak meiipi tawh kibang hi.

Tedim Bible Revision 2017

¹⁵ Kumpipa maitai leh nuntakna hi a, ama pahtakna pen tuk hunin guah a zusak meiipi tawh kibang hi.

Paunak 16:15 Referans Kwoze

Late 72:6

Amah, pawn lak lopa tunga guah kia leh lei a kawtsak guahzu tawh kibang ta hen!

Sawltak 2:28

Nangmah in nuntakna Lampi nong hilh zo a, Na meel mu-in lungdamna tawh Kei nong dimsak ding hi,’ a ci hi.

Hosea 6:3

Topa i theih zawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai ding a, lei a kawtsak khuapi guah a pelh loin hong zuk bangin eite kiangah amah hong pai hamtang ding hi,” a ci ding uh hi.

Paunak 19:12

Kumpipa’ hehna in humpinelkai hawk bangin lauhuai a, ama pahtakna in lopa tunga daitui taak bangin deihhuai hi.

Late 30:5

Ama hehna tomno sung bek hi a, ama deihsakna in khang tawntung ading ahi hi. Zan sung teng kahna om kha mah ding a, ahih hangin zing khuavak tawh nuamna hong pai hi.

Late 21:6

Hi hi, nangmah in a tawntungin thupha ngah pen dingin amah na bawl a, nangma ompihna lungdamna tawh amah na kipaksak hi.

Late 4:6

Mi tampi in, "Thupha ngah thei leeng ut si hang. Ko tungah na maitang vang hong taangsak in, Topa!" ci uh hi.

Zekhariah 10:1

Singkung lopa a sel hunin, Topa’ kiang pan guah ngen un. Meii kaisakin, guah zusak a, ankung khempeuh a dumsakpa in Topa ahi hi.

Paunak 16:14

Kumpipa heh leh mi khatpeuh in sihlawh thei a, mipil khat in kumpipa lungdamsak thei hi.

Paunak 29:26

Mi khempeuh in gam ukte’ maipha ngah ding hanciam uh a, ahi zongin Topa kiang pan bekin thutang kingah hi.