Paunak 15:9 - Tedim Bible

⁹ Topa in migilote’ gamtatna kihhuai sa a, thuman a deih mite a it hi.

Tedim Bible Revision 2017

⁹ Topa in migiloteʼ gamtatna kihhuai sa a, thuman a deih mite a it hi.

Paunak 15:9 Referans Kwoze

1 TIMOTI MASA 6:11

Pasian’ mi aw, nang na hih leh, tua mawhnate pel in la, dikna, Pasian biakna lamah nopsakna, upna, itna, thuakzawhna, lungnemnate na phak matengin na delh in.

Paunak 21:21

Thuman thutakin gamta tawntung lecin, na khan’ sau-in, pahtawina na ngah ding hi.

Mattiu 7:13

“Kong kawciik ah lut un. Bang hang hiam na cih uh leh, siatna mun tun’ nading kong leh lampi tanzau a, mi tampi a lut uh hi.

Habakkuk 1:13

Ahi zongin hih a gilo zuautat mite bangci thuak zawh na hi hiam? Hih bang siatna a mu dingin na mit siangtho lua a, a gamtat sia mite na thuak zo kei hi. Tua ahih manin, amaute sangin a dikzaw mite a suksiatna-ah, bang hangin daicip na hi hiam?

Hosea 6:3

Topa i theih zawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai ding a, lei a kawtsak khuapi guah a pelh loin hong zuk bangin eite kiangah amah hong pai hamtang ding hi,” a ci ding uh hi.

Jeremiah 44:4

Ahih hangin note kiangah ka nasem kamsangte khempeuh kong sawl a, ‘Ka muhdah hih a kihhuai na na hih nawn kei un,’ ci-in kong gensak tawntung hi.

2 TIMOTI NIHNA 2:22

Khangno’ deihgawhna lungsim na tang in la, lung siangthona tawh Pasian kiangah thu a ngen mite tawh, dikna, upna, itna leh nopna delhin na zuikhawm in.

Isaiah 51:7

“Thumanna a thei, na lungsim sung uhah keima thu a vom mite aw, ka thu ngai un; mihingte’ kosiatna kihta kei un la, amaute’ simmawhna hangin lungkia kei un.

Isaiah 51:1

Dikna a zui, Topa a zongte aw, ngai un; note hong ki-eu khiatna suangpi leh note hong kitawh khiatna khuk en un.

Isaiah 26:7

Midikpa’ lampi tamkim a, nangmah in midikpa’ lampi na neel sak hi.

Paunak 21:8

Mimawhte thukawi-in gamta uh a, midikte a man-in gamta uh hi.

Paunak 21:4

Kihisak-a gamtatna leh kiphatsakna lungsimte in, mawhna hi a, migilo hihna lim ahi hi.

Paunak 4:19

Migilote’ lampi ahih leh zan khuamial bangin mial a, amaute a tuksak, a suihkhak nate nangawn mu thei lo uh hi.

Late 1:6

bang hang hiam cih leh Topa in midikte’ lampi kem a, migilote’ lampi ahi leh siamang ding hi.

Thu-hilhkikna 7:13

amah in note hong itin, thupha hong pia-in, tampi hong phasak ding hi; amah in note tungah piak dingin na pu na pate uh tungah a kiciamna gam sungah note’ suan leh khakte leh na gam sung panun a piangte, na an uh leh na leenggahtui uh leh na sathau uh, leh na ganhingte uh pungsakin, na tuu-le-keelno honte uh zong thupha pia ding hi.

Late 139:24

Kei sungah siat theihna a om kha hiam hong en in la, tawntung lampi ah kei hong kha in!

Paunak 8:13

Topa zahtakna in thusia muhdahna hi a, kiphatsakna leh kihihsakna, gamtatsia leh thuzuau ka mudah hi.

Paunak 15:10

A gamta khial mite, nakpi takin kithuhilh a, kithuhilhna a mang nuam lote in sihna thuak ding hi.

Late 5:5

A kisatheite na mit tawh kituak lo hi; siatna bawlte khempeuh na mudah hi.

Late 11:7

Bang hang hiam cih leh Topa dik a, dik gamtatna deih hi; thutang mi in ama mai mu ding hi.