Paunak 15:8 - Tedim Bible

⁸ Topa in migilote’ biakpiakna kihhuai sa a, thuman mite’ thungetna-ah lungdam hi.

Tedim Bible Revision 2017

⁸ Topa in migiloteʼ biakpiakna kihhuai sa a, thuman miteʼ thungetna ah lungdam hi.

Paunak 15:8 Referans Kwoze

Paunak 15:29

Topa in midikte’ thungetna ngai a, migilote’ thungetna don lo hi.

Paunak 21:27

Topa in migilote’ biakpiakna deih lo hi; ngimna hoih lo tawh a piakte uh deih lo kanlai hi.

1 KHANG TANGTHU MASATE 29:17

Nangmah in lungsim entelin thumanna ah na lungkimna ka thei hi, ka Pasian aw; lungsim thumanna tawh hih nate khempeuh citna tawh kong pia khin a, tu-in nang tungah citna leh lungdamna tawh a hong pia, hih lai-ah a om na mite ka mu zo hi.

Jeremiah 6:20

Bang deihna tawh Sheba gam panin paknamtuite hong pai a, gamlapi panin singnamtui hong tung ahi hiam? Na meihal biaknate uh ka sang kei a, nong thoihnate uh deihhuai ka sa kei hi.

Paunak 28:9

Mi khat in thukham a zuih nop kei leh, ama thungetna nangawn Pasian in zak thadahhuai sa hi.

Isaiah 61:8

Bang hang hiam cih leh keimah Topa in thutang deihin, mi’ nate suhna leh khialhna ka mudah hi; amaute tungah amau thaman thuman takin ka pia ding a,, tawntung thuciamna amaute tawh ka bawl ding hi.

Johan 4:24

Pasian in Kha ahi hi. Amah a biate in Kha leh thuman thutak tawh a bia ding uh hi,” ci-in a gen hi.

Thuhilh-sia 5:1

Biakinn-ah na pai ciangin lim takin kingaihsun in. Aman leh aman lo a khen thei lo mihaite’ biakpiaknate tawh a kibang piakna sangin thungai dingin biakinn-a paina hoihzaw hi.

Isaiah 66:3

“Biakna-in bawngtal a gopa in mihing zong that hi; biak piakna-in tuuno a gopa in ui ngawng zong tan hi; an tawh biak piakna a bawlpa in vok si zong pia hi; paknamtui tawh phawkna biak piakna a bawlpa in milim zong bia-in thupha pia hi. Hih mite in amau’ ut bang ciatin gamta uh a, amau’ kihhuai gamtatna uhah nuam sa uh hi.

Solomon la 2:14

Suangheng kawm-a vasa bangin nang na bubu niloh hi. A ngaih baang na mai hong musak in la, a lungzuan’ huai na awging hong zasak in.

Late 17:1

Topa aw, thuman kong ngetna hong za in la, ka otna aw hong ngai in! Zuau baang lo muk pana ka thugetna hong ngai in!

Siampi Laibu 7:18

A ni thum ni-in thunuam-a ama biakpiakna sa khatpeuh peuh a kinek leh, tua biakpiakna a piapa kisang lo ding a, tua pen ama’ aa-in zong kiciamteh lo ding hi; tua in a kihhuai hi ding a, a nepa in ama mawhna pua ding hi.

Paunak 10:24

Migilote tungah a kihtaktak uh tung a, mihoihte in a deihdeih uh ngah uh hi.

Paunak 15:7

Mipilte’ kampauna in pilna khang sak a, mihaite lungsimah thuman lohna bek om hi.

Paunak 21:3

Topa in biakpiakna sangin, thuman thutang deihzaw hi.

Micah 6:7

Topa kiangah, tuu a tul tulin va puakin, gun tui bangin sathau va luangsak leng, tuate tawh amah lungdam ding ahi hiam? Ka mawhnate maisak nadingin ka ta upa pen tawh va bia ding ka hi hiam?

Haggai 2:14

Tua ciangin Haggai in thu gen a, “Topa in hih bangin ci hi: Tu-a nong dawn’na uh mah bangin hih mite’ sepna khempeuh ah tua bangin piang ahih manin, biakna tau tungah a piak uh na khempeuh a nin suak hi.

2 SAMUEL NIHNA 15:12

Absalom in biaknate a piak lai takin David’ thu-lam-lakpa’ Giloh mi Ahithofel, ama khuapi Giloh panin sam sak hi. Tua ciangin sawmsimna hong hat semsem a, Absalom tawh a om mite kibehlaplap hi.

1 KUMPI MASATE 3:10

Solomon in hih thu a ngetna in Topa lungkimsak hi.

Late 141:2

Ka thungetna pen nangma mai-ah paknamtui, ka khutte ka laptohna pen nitak biak piakna bangsak in!

Daniel 9:23

Pasian tunga thuum dinga na kisak lai takin Amah in a hong za zo hi. Pasian in nang hong it ahih manin, tua thu gen dingin ka hong pai zo hi. Tu in, tua mangmuhna thu ka hong hilh tel lai takin, ciamteh in.

Micah 6:6

Vantung Pasian ahi Topa mai-ah bang va keng ding ka hi hiam? Amah biakna-in hal dingin kum khat a pha bawngno thaute paipih ding ka hi hiam?

Malakhi 1:10

Vanglianpen Topa in, “Ka biakna tau tungah, bangmah-a a kimang lo mei na tawh mawkmawk theih loh nadingun, note khatpeuh in biakinn kongkhakte khak le uh cin ka ut hi. Note tungah ka lungkim kei a, nong puak uh biak piaknate kong sang kei ding hi.