Paunak 15:6 - Tedim Bible

⁶ Thuman mite’ neihsa kip a, migilote’ hauhna in lungkham guan hi.

Tedim Bible Revision 2017

⁶ Thuman miteʼ neihsa kip a, migiloteʼ hauhna in lungkham a guan hi.

Paunak 15:6 Referans Kwoze

Paunak 8:21

Kei hong itte ka hausak a, a inn dimin neih-le-lam ka pia hi.

Paunak 21:20

Mipilpa’ inn sungah neih leh lam a dim a ha-in om a, ahi zongin mihaipa in a ngah zahzah zangkhia pah hi.

Paunak 10:22

Topa’ thupha in mite hausak a, dahna, gimna tawh piakhawm lo hi.

Late 112:3

Hauhna leh nopsaknate ama inn sungah dim ding a, ama thumanna kip tawntung ding hi.

Paunak 16:8

Thuman lo-a hauhna sangin, thuman-a tawmno neihna hoihzaw hi.

Thuhilh-sia 4:6

Nakpi-in na sem a, a mawknapi ahi ding khut nih dim sangin, lungsim nuam-a khut khat dim neihna hoihzaw hi.

Paunak 15:16

Hau napi-a lungkham sangin, zawng napi-a Topa zahtakna hoihzaw hi.

Paunak 13:22

Midikte in a tu a tate’ luah ding gamh nei a, mawhneite neihsate ahih leh midikte’ ading hi lel hi.

Late 37:16

Migilote’ hauhna sangin thuman mite’ tawmno khat neih hoihzaw hi.

Paunak 15:5

A pa’ hilhna a ngai nuam lote mihai hi a, hilhna a mang nuamte mipil ahi hi.

Paunak 15:7

Mipilte’ kampauna in pilna khang sak a, mihaite lungsimah thuman lohna bek om hi.

Paunak 3:33

Topa in migilote’ inn sung samsia a, thuman mite’ inn sung thupha pia hi.