Paunak 15:4 - Tedim Bible

⁴ Kamkhum in nuntakna piangsak a, kamsia in lung gimsak hi.

Tedim Bible Revision 2017

⁴ Kam khum in nuntakna piangsak a, kam sia in lung gimsak hi.

Paunak 15:4 Referans Kwoze

Paunak 12:18

Ngaihsun lo-a kampauna in temhiam bangin mi liamsak thei a, mipilte’ kampauna in tua bang liamna damsak thei hi.

Paunak 16:24

Kam khum in khuaipizu bang hi a, a kam-ah khum a, guh leh tangte adingin cidamna ahi hi.

Paunak 18:8

Gensiatna in an a lim mahmah tawh kibang a, thakhatin i sungah kihupsuk hi.

Malakhi 4:2

Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun’ ding hi. Bawngkhumna panin a kikhah bawngnote bangin suakta-in nuam na sa ding uh hi.

Paunak 3:18

Pilna a nei mite a lungdam mi hi a, pilna a neite in nuntakna singkung tawh kibang hi.

Paunak 18:14

Mihingte’ lungsim in cinatna thuak zo sak a, mihing lungsim kisia leh cih nading dang om nawn lo hi.

Mangmuhna 2:7

Kha Siangtho in pawlpite a thupiakna bil nei mi in ngai ta hen. A zo mi keimah in Pasian Paradis gam sungah a om nuntakna gah a nek theihna thu ka pia ding hi.”

1 TIMOTI MASA 6:3

Thuhilhna tuam hilhin, i Topa Zeisu Khazih’ kam ahi, kam siangtho ahi zongin, Pasian biakna lamah nopsakna tawh a kilawm thuhilhna ahi zongin, a mang lo mi khatpeuh a om leh,

Paunak 26:22

Gensiatna in a lim mahmah an tawh kibang a, mihingte’ sungtawng pekah tumsuk pahpah hi.

Late 109:22

Bang hang hiam cih leh kei genthei-in ka cimawh a, ka lungsim tawng dongin hong nasak hi.

Paunak 15:3

Topa’ mit in mun khempeuh mu a, misia, mipha, hong encik kim hi.

Paunak 15:5

A pa’ hilhna a ngai nuam lote mihai hi a, hilhna a mang nuamte mipil ahi hi.

Paunak 10:11

Mihoihte’ kampaute in nuntakna tuinak bang a, migilote in thusia bekbek gen hi.