Paunak 15:32 - Tedim Bible

³² Kithuhilh ding a ut lote amahmah a kisusia hi a, kithuhilh ding a utte pil semsem hi.

Tedim Bible Revision 2017

³² Kihilh ding a ut lote a mahmah a kisusia hi a, kithuhilh ding a utte pil semsem ding hi.

Paunak 15:32 Referans Kwoze

Mangmuhna 3:19

Ka it khempeuhte a mawhna uh lakin ka hilh thei hi. Tua ahih ciangin lungsim citak-in kisikkik in.

Paunak 1:7

Topa zahtakna in pilna kipatna hi a, mihaite in pilna leh thuhilhna don lo uh hi.

Isaiah 1:5

Bang hangin note hong kisat beh lailai nadingin lehdo teitei na hi uh hiam? Israel aw, na lutang khempeuh liamma dim a, na lungsim leh na ngaihsutna gim mahmah hi.

Paunak 18:15

Thungaihsun theite in a pilna uh behlap a, pilna a ngah nadingun mipilte in a bil uh tawh ngai uh hi.

Jeim 1:22

Note’ pumpi uh kikheemin thungaite bek hi kei un; thu banga gamtate na hi un.

Jeremiah 5:3

Topa aw, nangmah in thuman en gige hilo na hi hiam? Nangmah in amaute na sat hangin a awlmawh tuan kei uh hi; na sukgawp hangin na thu hilhna a ngai tuan kei uh hi. Amaute’ maitang suangtum sangin sakzaw a, a kisik nuam kei uh hi.

Paunak 29:1

Kihilhhilh napi-a a mang nuam lote, bawl phatkik zawh nawn loh dongin kisia ding hi.

Paunak 17:16

Mihaipa in thu ngaihsut theihna nei lo ahih manin, pilna zon’ nading sum tampi a zat hangin a phattuamna om lo hi.

Paunak 15:21

Mihaite in a hai mah uh lungdampih a, mipilte ahih leh a manin gamta uh hi.

Paunak 15:14

Thungaihsun theite in pilna zong a, mihaite ahih leh theihlohna tawh lungkim hi.

Late 50:17

Bang hang hiam cih leh note in hilhna na mudah uh a, ka thute na nunglam uhah na pai uh hi.

Thu-hilhkikna 21:20

amaute in a khuapi upate kiangah, ‘Hih ka tapa uh lungkhauhin lehdo thei a, amah in ka thu uh hong mang lo hi; amah in anhai zuhai ahi hi,’ ci ding uh hi.

Thu-hilhkikna 21:18

“Mi khat in a lungkhauh, a lehdo thei, a nu’ thu ahi a, a pa’ thu ahi zongin a mang lo, a tai hangun amau thu a ngai lo tapa khat a neih leh,

Hebru 12:15

Note lakah khatpeuh mah in Pasian’ hehpihna thupha ngah loin a om loh nading ahi zongin, a kha kung a zung poin, note hong bawlsia-in mi tampi hong ninsak ding ahi zongin,

Paunak 13:18

Thu kihilhna zui lo mi in zawn’na leh mindaina ngah a, thu kihilhna a zui mi in minphatna leh pahtawina ngah hi.

Paunak 15:5

A pa’ hilhna a ngai nuam lote mihai hi a, hilhna a mang nuamte mipil ahi hi.

Paunak 15:31

Kithuhilhna zuih theihna in, mipilte’ lak-a kihel theihna ahi hi.

Paunak 15:33

Topa zahtakna in pilna mah hi pah a, kiniamkhiatna in pahtawina hong ngah sak hi.

Thuhilh-sia 7:5

Mihaite in pahtawina la hong sak sangin, mipilte’ hong taina hoihzaw hi.

Isaiah 3:9

Amau’ maiput in amau langah teci pang hi; Sodom bangin amaute in a mawhna uh genkhia uh hi, amaute in iim lo uh hi. Amaute in gimna ngah ta hen! Bang hang hiam cih leh amaute in amau tung mah ah siatna kitun’ uh hi.

Paunak 10:17

Kihilhna man’na in nuntakna lampi zuihna hi a, hilhna man’nop lohna in lauhuai lampi zuihna ahi hi.

Paunak 19:20

Thu kigente ngai-in, hong kihilhte mang lecin, mailam ah mipil na hi ding hi.