Paunak 15:3 - Tedim Bible

³ Topa’ mit in mun khempeuh mu a, misia, mipha, hong encik kim hi.

Tedim Bible Revision 2017

³ Topaʼ mit in mun khempeuh mu a, misia, mipha, hong encik kim hi.

Paunak 15:3 Referans Kwoze

Hebru 4:13

Tua tham loin, eite thu hong khenpa mai-ah a kilang lo na khat beek a om kei hi; na khempeuh a liah a dal om loin Pasian mai-ah kipho laakin a om hi.

Jeremiah 16:17

Bang hang hiam cih leh a omdan khempeuh uh ka mit-in ka mu a, kei’ kiang pana a kiseel bangmah om lo hi. A khialhna khempeuh uh zong ka mit panin a kiseel kei hi.

Jeremiah 23:24

Mi khat peuhpeuh kei’ muh loh dingin busim thei ding ahi hiam? Topa in kong ci hi. Leitung, vantung mun khempeuh ah ka om lamtak thei lo na hi uh hiam? Topa in kong ci hi.

2 KHANG TANGTHU NIHNATE 16:9

Bang hang hiam cih leh ama lamah a lungsim a paubang lo mite’ tangin ama vangliatna a lak dingin Topa’ mit in leitung khempeuh en kawikawi hi. Hih thu-ah na hai gamtat khin hi; bang hang hiam cih leh tu-a kipanin galdonate na nei ding hi,” a ci hi.

Paunak 5:21

Bang hang hiam cih leh Pasian in na gamtatna khempeuh hong mu a, na paina khempeuh hong en kawikawi hi.

JOB (Job) 31:4

Pasian in ka gamtatna khempeuh thei a, ka kalsuanna khempeuh hong mu hi.

Jeremiah 32:19

na ngimnate lian mahmah a, na sepnate thupi mahmah hi. Mite’ nuntakzia khempeuh na mu a, amau’ nuntakdan leh a nasepna gahte tung tawnin mi khempeuh’ tungah thaman na pia kim hi.

JOB (Job) 28:24

Bang hang hiam cih leh amah in leimong khempeuh dong mu a, vantung nuai-ah a om na khempeuh mu thei hi.

Paunak 15:4

Kamkhum in nuntakna piangsak a, kamsia in lung gimsak hi.

Zekhariah 4:10

A ma uh a telh loh manin ka mite lungkia uh a, ahi zongin Zerubbabel in biakinn lam nasep a makaihna a muh uh ciangin a lung uh damkik ding hi,” hong ci hi. Vantungmi in, “Meivak sagihte in, leitung khempeuh a etna Topa’ mittang sagih ahi hi,” hong ci hi.

JOB (Job) 24:23

Pasian in amah a lungnuamin nungta sak a, ahi zongin amaute langpanin, encik tawntung hi.

Late 33:13

Topa in vantung panin hong ensuk a, mi’tapate khempeuh a mu hi;