Paunak 15:28 - Tedim Bible

²⁸ Mihoihte in a kampau ding ngaihsun phot a, migilote’ paupakna in thusia tawh kizom hi.

Tedim Bible Revision 2017

²⁸ Mihoihte in a kampau ding ngaihsun phot a, migiloteʼ pau pakna pen thusia tawh kizom hi.

Paunak 15:28 Referans Kwoze

1 PETER MASA 3:15

Na lungsim sung uhah Khazih in Topa ahi ci-in zahtakna nei un. Note’ lametna thu hong dong mi khempeuh kiangah lungnemna tawh, thusimna lungsim tawh na genkik theih nadingun, a kigingsa-in om tawntung un.

Paunak 29:11

Mihaipa a hehna bangin kampau-in gamta gawp a, mipilpa ahih leh ki-ip-in a hehna dam sak hi.

Thuhilh-sia 5:2

Thu ngaihsun masa-in pau in la, Pasian’ tungah thu mawkciam pak kei in. Vantungah Pasian om a, leitungah nang om na hih manin na pau dinga kilawm zah val pau kei in.

Paunak 15:2

Mipilte in pilna thu gen a, mihaite in haina thu gen hi.

Mattiu 12:34

No mualtan’ suante aw, no gilo na hih uh ciangin kam hoih bangci gen theih ding na hi uh hiam? Bang hang hiam na cih uh leh, lungsim dima om bangin kam in a gen thei hi.

Thuhilh-sia 5:6

Pasian’ siampipa’ mai-ah ka khial kha hi ci-in na gen ding kisam kha ding ahih manin na kampauna hangin khial kha kei in. Tua bangin gamta kha lecin nangma tungah Pasian heh ding a, na sepsa khempeuh hong suksiatsak ding hi.

Paunak 29:20

Thu ngaihsun lo-a pheng paupau mipa sangin, mihaipa adingin lametna om zawlai hi.

Paunak 16:23

Mipilte in thu ngaihsun kawmin kam pau uh a, amau’ pauna zaknophuai semsem hi.

Paunak 13:16

Thu ngaihsun theite, pilna tawh gamta a, mihaite in a haina tangkoko hi.

Paunak 10:19

Kam tam paute, tampi khial a, pau ip theite mipil hi.

2 PETER NIHNA 2:18

Bang hang hiam na cih uh leh, khialhna ahih thei mite sung pan a taisuak dek takte tungah kisaktheihna kam mawkna genin pumpi deihna lunggulh luatna tawh, mawhna-ah a zol thei uh hi.

Late 59:7

Amaute tua lai-ah a kam uh tawh hawk a, a muk uh tawh zuau gen uh hi—bang hang hiam cih leh, “Kua’n hong za laizang ding ahi hiam?” ci-in amaute in ngaihsun uh hi.

Paunak 10:32

Midikte in a gen ding thuhoih thei a, migilote in thusia bekbek gengen uh hi.