Paunak 15:27 - Tedim Bible

²⁷ A man lo-a sum ngahna in innsung lungkham sak a, sumgolh a deih lote a nuntak sauvei nuam hi.

Tedim Bible Revision 2017

²⁷ A man loin sum ngahna in inn sung lungkhamsak a, sumgolh a deih lote a nuntak sauvei nuam hi.

Paunak 15:27 Referans Kwoze

Paunak 1:19

Zawhthawh thu tawh mi’ na a sutte in sihlawh tawntung zaw a, hih bang a gamtate in tu-a bangmah tuak ngitnget hi.

Paikhiatna 23:8

Sumgolh na la kei ding uh hi, bang hang hiam na cih leh sumgolh in uliante mit tawsak a, thuman mite’ thu hei khiatsak hi.

Jeremiah 17:11

Thu manlo pi tawh a hau mi in ama’ tui lopi keuhsak dinga a op sim vasa tawh kibang hi. A khan’ lai-in a neihsa teng a taan ding a, a tawpna-ah mihaipi a suak ding hi.

Paunak 11:29

A innkuan sung a uk khial mite hawmsuak ding a, a haite mipilte’ sila suak tawntung ding hi.

Thu-hilhkikna 16:19

Thutang na heikhia kei ding uh hi; angvanna na nei kei ding uh hi; sumgolh in mi pilte’ mit tawsakin thumante’ thu heikhia ahih manin sumgolh na la kei ding uh hi.

Paikhiatna 18:21

Tua tham loin, mi khempeuh lak panin Pasian a zahtak mi, a muanhuai mi leh sumgolh a mudah mi, misiamte na teelkhia ding hi; tua bang mite pen mi a tul, a za, a sawmnga, a sawmte' tungah a uk dingin na koih ding hi.

Paunak 29:4

Thuman-a a gamta kumpi in a gam kipsak a, sum bek a ngaihsun kumpipa in a gam siasak hi.

Paunak 28:16

Ngaihsut siamna a nei lo gam ukpa in a gilo kumpi hi ding a, thuman lo-a ngahna a deih lo mipa in sau veipi uk ding hi.

Paunak 20:21

A baihlam-a hauh pakna in, a tawpna ah phattuamna om lo hi.

Paunak 11:19

Thu man-a gamtat ding a hanciamte nungta ding a, asia-a gamta teiteite si ding hi.

2 KUMPI NIHNATE 5:27

Tua ahih ciangin nangma tung leh na suan-le-khakte tungah Na-aman’ phakna hong belh tawntung ta hen,” a ci hi. Tua ahih ciangin Gehazi ama omna panin vuk bangin kaangin a phakin paikhia hi.

Joshua 6:18

Ahih hangin suksiat dingin a kiseh nate panin nomau mah na kikem ding uh hi, tua hi kei leh tuate na suksiat ding uh ciangin a kisusia ding nate khat peuhpeuh iplahin la kha-in Israelte’ giahphual siat nading na khat suaksakin haksatna na tun’ kha ding uh hi.

Thu-hilhkikna 7:26

Note’ inn sungah a kihhuai nate na tumpih kei ding uh a, tua nate tawh kibangin samsiat a thuak mi na kisuaksak kei ding uh hi; note in tua nate mudah mahmahin na kih ding uh hi; bang hang hiam cih leh tua nate in a kisamsia na ahi hi.

1 TIMOTI MASA 6:9

Sum a hau nuam mite in kheemna sungah, thang awkna sungah, hai-a noptuamna a siasak thei, deihgawhna atuam atuamte sungah a kia thei uh hi. Tua bang deihgawhna in mite kisiatna sungah a tum mangsak thei hi.

1 TIMOTI MASA 6:10

Bang hang hiam cih leh, sum hauh nopna in khialhna pawl khempeuh bul ahi hi. Mi kimkhat in sum hauh nopna hangin upna lampi pan paikhia-in, lunggimna apawlpawl tawh amau pumpi uh a vut let zo uh hi.

1 SAMUEL MASA 12:3

Hih lai-ah ka om hi; ka mawhna a om leh Topa mai leh a sathau nilhpa’ mai-ah kei langah teci hong pang un. Kua bawngtal ka la hiam? Ahih kei leh kua la ka la hiam? Ahih kei leh kua khem ka hi hiam? Kua nengniam ka hi hiam? Ahih kei leh keima mit a tawsak dingin kua tung panin sumgolh la ka hi hiam? Kei’ langah teci hong pang un, keimah in kong dinkik ding hi,” a ci hi.

Paunak 15:26

Topa in migilote’ ngaihsutna kihhuai sa a, midikte’ kampaunate hoih sa hi.

Paunak 23:4

Hauh nop man bekin sum’ sila suak kei in la, a man loin gamta kha kei in.

Paunak 28:25

A huaiham mi in kitotna piang sak a, Topa a muang mi in mihau hi ding hi.

1 KUMPI MASATE 2:40

Shimei ding-in la khat a van vawhin a silate a zong dingin Gath-a Akhish kiangah pai hi; Shimei pai-in Gath panin a silate ciahpih hi.

Late 15:5

a meet-in ama sum kha lo a, thutangte’ lang ah golhguk a la lo mi ahi hi. Hihte khempeuh a hih mi pen liing ngei lo ding hi.