Paunak 15:2 - Tedim Bible

² Mipilte in pilna thu gen a, mihaite in haina thu gen hi.

Tedim Bible Revision 2017

² Mipilte in pilna thu gen a, mihaite in haina thu gen hi.

Paunak 15:2 Referans Kwoze

Paunak 12:23

Mipilte in a theihna uh im khinkhian a, mihaite in a haina uh pholaklak hi.

Paunak 15:28

Mihoihte in a kampau ding ngaihsun phot a, migilote’ paupakna in thusia tawh kizom hi.

Paunak 13:16

Thu ngaihsun theite, pilna tawh gamta a, mihaite in a haina tangkoko hi.

Isaiah 50:4

Thugenna tawh a lunggim mite tha a pia thei kammal ka theih nadingin, Topa Pasian in ka gen ding thu hong hilh khin hi. Ama hong hilhnate a ngai dingin zingsang simin hong phong hi.

Paunak 16:23

Mipilte in thu ngaihsun kawmin kam pau uh a, amau’ pauna zaknophuai semsem hi.

Paunak 15:23

A hun mah-a dawn’ pah theihna lungkim huai a, a kilawm kammal tawh dawn’ pah theihna hoihzaw kan hi.

Late 59:7

Amaute tua lai-ah a kam uh tawh hawk a, a muk uh tawh zuau gen uh hi—bang hang hiam cih leh, “Kua’n hong za laizang ding ahi hiam?” ci-in amaute in ngaihsun uh hi.

Late 45:1

Thubul hoih khat tawh keima lungsim hong dimlet-in, ka late kumpipa tungah ka sak a, ka leii in lai theipa’ laikung tawh kibang hi.

Paunak 15:7

Mipilte’ kampauna in pilna khang sak a, mihaite lungsimah thuman lohna bek om hi.

Thuhilh-sia 5:3

Na lunghimawh semsem leh na mang sia semsem ding a, tam pau semsem lecin na haina kilang semsem ding hi.

Thuhilh-sia 10:14

Mihaite in thu gengenin ciakciak uh hi. Mai lam-a thupiang ding kuamah in thei lo a, i sih khit-a thupiang ding hong gen thei om lo hi.

Paunak 5:2

Tua hi leh, a kilawmin na gamtat nading zia na thei ding a, na kampaunate in na pil lam tak hong kilangsak ding hi.