Paunak 15:17 - Tedim Bible

¹⁷ Kitawngtawng kawm-a sa meh limpen nekna sangin, ki-it diamdiam-a anteh meh nek hoihzaw hi.

Tedim Bible Revision 2017

¹⁷ Kitawngtawng kawmin sameh lim pen nekna sangin ki-it diamdiamin anteh meh nek hoih zaw hi.

Paunak 15:17 Referans Kwoze

Paunak 17:1

Kitawng kawmin pawipi sungah an nekna sangin, lungnuam takin moh keu themkhat nekna hoihzaw hi.

Paunak 21:19

A phun hat zi gilo tawh teen’ khop sangin, gam simtham-a khat guak teen’ hoihzaw hi.

1 JOHAN MASA 4:16

Pasian in eite hong itna thu eite in thei-in i um zo hi. Pasian in itna ahi hi. Itna sungah a om mi in Pasian sungah a om hi. Pasian in zong tua mi sungah a om hi.

Filippi 2:1

Tua ahih ciangin Khazih sungah hansuahna ahi zongin, itna tawh kipawl lungnopna ahi zongin, Kha Siangtho tawh kihotheihna ahi zongin, hehpihna leh diksakna ahi zongin na khatpeuh peuh a om leh, khat leh khat ki-it ciatin, khat leh khat lungsim kikhen loin hanciamna kibangin, lungsim kikhatin na om manunah ka lungdamna na cingsak un.

Mattiu 22:4

Khatvei, adang nasemte sawl a, ‘Kei ka pawikham nading ka kisa khin zo hi. Ka bawng leh bawngno thaute kigo khin zo hi. Na khempeuh a baihsa-in a om hi. Mopina pawi sungah hong hawh ta un,’ ci-in ka khohsate va hilh kik un,’ ci-in a sawl hi.

Luka 15:23

Khedap zong bulhsak un. Bawngno a thau hong paipihin go un la, an ne-in nuamsa ni.

Thuhilh-sia 4:6

Nakpi-in na sem a, a mawknapi ahi ding khut nih dim sangin, lungsim nuam-a khut khat dim neihna hoihzaw hi.

Paunak 16:8

Thuman lo-a hauhna sangin, thuman-a tawmno neihna hoihzaw hi.