Paunak 15:14 - Tedim Bible

¹⁴ Thungaihsun theite in pilna zong a, mihaite ahih leh theihlohna tawh lungkim hi.

Tedim Bible Revision 2017

¹⁴ Thungaihsun theite in pilna zong uh a, mihaite ahihleh a theih lohna uh tawh lungkim uh hi.

Paunak 15:14 Referans Kwoze

Paunak 9:9

Mipilte thuhilh lecin pil semsemna-in nei ding a, thuman mite thuhilh lecin a thu theihna khang semsem ding hi.

Isaiah 30:10

amaute in thu mutheite tungah, “Mu nawn kei un,” ci-in, kamsangte tungah “Kote’ tungah thuman hong gen kei un; kote’ tungah thuzol bek hong gen un la, thutak ahi lote genkhol un,

Paunak 18:15

Thungaihsun theite in a pilna uh behlap a, pilna a ngah nadingun mipilte in a bil uh tawh ngai uh hi.

2 PETER NIHNA 3:18

Hehpihna thupha ah ahi zongin, i Topa leh Honpa Zeisu Khazih theihtelna ah ahi zongin na khangto un. Tua Topa tungah tu-a kipan a tawntungin minthan’na om ta hen. Amen.

Sawltak 17:11

Tua mite in Thesalonika khua mite sangin a dikzaw uh hi. Bang hang hiam i cih leh, deih phat mahmahna lungsim tawh Pasian’ thu sangin, hih thute a man hiam a man lo hiam cih a theih nadingun ni simin Lai Siangtho tel takin a sin uh hi.

Paunak 1:5

Mi ciimsate ciimsak semsemin, mipilsate pilsak semsem-in,

Hosea 12:1

Israel mite, a nung kawikawi huih tawh kibangin, sun tha pai-a a nasepna uh a mawkna ahi hi. Zuauna leh siatna lamsang bekbek khangsak uh hi. Assiria tawh kipawlna bawl uh a, Izipt tawh kizopna nei uh hi.

Isaiah 44:20

Amah pen vut a nete tawh kibang lel hi; khemna lungsim haina in amah lam pialpih khin a, amah leh amah kihonkhia thei loin, “Ka khut sungah ka tawi milim pen a haihuai hilo ahi hiam?” cih zong phawk thei lo hi.

Late 119:100

Khanghamte sangin thu ka tel zaw hi, bang hang hiam cih leh na thuhilhte ka zui hi.

Late 119:97

Na thu deih mahmah ing! Sun tawntung-a ka lungngaih-ngaih ahi hi.

Paunak 12:23

Mipilte in a theihna uh im khinkhian a, mihaite in a haina uh pholaklak hi.

Paunak 15:15

Mizawngte, a lungkham hi tawntung a, a lungdam mite in nuntakna nuamsa mahmah uh hi.