Paunak 15:10 - Tedim Bible

¹⁰ A gamta khial mite, nakpi takin kithuhilh a, kithuhilhna a mang nuam lote in sihna thuak ding hi.

Tedim Bible Revision 2017

¹⁰ A gamta khial mite nakpi takin kithuhilh a, thukihilhna a mang nuam lote in sihna thuak ding uh hi.

Paunak 15:10 Referans Kwoze

Paunak 12:1

Pilna a deihte in kithuhilh ding ut a, kitai ding ut lohna in haina hi.

Johan 3:20

A hoih lo-a gamta mi khempeuh in khuavak a mudah uh a; amau gamtatnate a kilat loh nadingin khuavakna-ah a pai kei uh hi.

Paunak 13:1

Ta pil in a pa’ hilhna mang a, a kihisak mi in akhial min pua nuam lo hi.

Paunak 10:17

Kihilhna man’na in nuntakna lampi zuihna hi a, hilhna man’nop lohna in lauhuai lampi zuihna ahi hi.

Johan 7:7

Leitung mite in no hong mudah thei kei uh hi. Kei hong mudah uh hi. Bang hang hiam na cih uh leh, amau’ gamtatna a hoih kei ci-in teci ka pang hi.

Paunak 5:12

Tua ciangin, “Bang hangin thu thei thei hoh lo a, hong kihilhna mang hoh lo ka hi hiam?

Paunak 1:30

ka thugente deih loin, kong thuhilhna ngai nuam lo na hih manun,

1 KUMPI MASATE 22:8

Tua ciangin Israel kumpipa in Jehoshafat kiangah, “Topa thu i dot theih ding, Imlah’ tapa Mikaiah kici mi khat om lai hi; ahih hangin amah in kei’ thu a hoih gen ngei loin a sia gen ahih manin amah ka mudah hi,” a ci hi. Tua ciangin Jehoshafat in, “Kumpipa in tua bangin ci kei in,” a ci hi.

1 KUMPI MASATE 21:20

Ahab in Elijah kiangah, “Ka galpa aw, kei hong mu na hi hiam?” a ci hi. Amah in dawngin, “Topa muhna ah a sia gamta dingin nangmah kipia tawm na hih manin nangmah kong mu hi.

1 KUMPI MASATE 18:17

Ahab in Elijah a muh ciangin, ama kiangah, “Nang in Israel mite a lungkhamsakpa na hi hiam?” a ci hi.

Paunak 23:35

“Hong vuak hangun ka liam kei a, hong sat hangun ka phawk kei hi. Ka pilvan' ciangin zu ka ne kik ding hi,” na ci ding hi.

Paunak 1:25

ka thugente khempeuh hong thudon loin, kong tainate hong mang nuam lo na hih manun,

Paunak 15:9

Topa in migilote’ gamtatna kihhuai sa a, thuman a deih mite a it hi.

Paunak 15:11

Topa in sihna gam sunga omte nangawn mu thei ahih leh, mihingte ngaihsutna telmuh zawkan ding hilo ahi hiam?

JOB (Job) 34:27

Bang hang hiam cih leh amaute in a thu mang nawn lo uh a, a thupiaknate khempeuh don nawn lo uh hi.

Late 50:17

Bang hang hiam cih leh note in hilhna na mudah uh a, ka thute na nunglam uhah na pai uh hi.

Jeremiah 2:17

Israel aw, Topa na Pasian in lampi-ah hong makaih laitakin amah na nusiat manin hih teng nang’ tungah hong tung hilo ahi hiam?

Ezekiel 33:9

Nangmah in gilopa khat hilhkhol napi-in a mawh gamtatna a khawl kei leh, tua mipa a mawh nei mah-in si ding a, ahi zongin nang na suakta ding hi,” hong ci hi.