Paunak 14:6 - Tedim Bible

⁶ Mi a simmawh theite in pilna a zon’zon hangin ngah zo lo a, thu ngaihsun theite in olno takin ngah thei uh hi.

Tedim Bible Revision 2017

⁶ Mi a simmawh theite in pilna a zon uh hangin ngah zo lo uh a, thungaihsun theite in olno takin ngah thei uh hi.

Paunak 14:6 Referans Kwoze

Jeim 1:5

Note lakah khatpeuh peuh in lungpilna a deih leh, kosiatna a nei lo, mi khempeuh a kigen thei lo-a a pia nuam Pasian kiangah thungen ta hen. A nget leh a ngah ding hi.

1 KORIN MASA 8:2

Mikhat in hih thu ka thei hi ci-in a ki-up leh, a theih ding a kilawm zahin a thei nai kei hi.

Paunak 8:9

Thungaihsun theite’ adingin telnop a, thu mutheite’ adingin siang mahmah hi.

Jeremiah 8:9

Na mipilte uh a maizum ding uh hi; lungmang-in a cih nading a thei kei ding uh hi. En un, amaute in Topa’ thu a nial uh hi, bang pilna a nei nawn uh hiam?

Isaiah 8:20

Tua ciangin note in, “Topa hong hilh thute leh teci panna thute ngai un. Aisante’ thu ngai kei un. Amaute in zing khuavak nei lo ahih manin hong gen thute a kiman’na om lo hi,” ci-in dawng un.

Paunak 26:12

A pil lo kimlai pil a kisapa sangin, mihaite’ adingin lametna om zaw lai hi.

Paunak 18:2

Mihaite in thu a tel theih zawh nading uh kin lo uh a, pil si, a kicih theih nading bek deihna tawh thu gen uh hi.

Paunak 17:24

Mipilte in ahoih pen-a gamtat nading thei a, mihaite in a cih nading meel uh thei lo hi.

Late 119:18

Nangma thukham sung panin a lamdang nate ka muh theih nadingin keima mitte hong hon’sak in.

Paunak 1:5

Mi ciimsate ciimsak semsemin, mipilsate pilsak semsem-in,

Paunak 14:5

A citak teci in thuman bekbek gen tawntung a, a gina lo teci in zuauthu bekbek gen tawntung hi.

Paunak 14:7

Mihaite tawh kikhawl kei in, amau’ kiang pan pilna na ngah kei ding hi.

Paunak 24:7

Pil kampauna in mihaite’ theih zawh dingin thuk lua a, mihon lakah mihaite in thu gen ngam lo uh hi.

Paunak 8:8

Ka gen khempeuh ahi vive hi a, zuauthu, thukawi om het lo hi.

Paunak 15:12

A kihisak mite in kithuhilhna ngai nuam lo uh a, mipilte kiangah thu dong ngei lo uh hi.

Paunak 17:16

Mihaipa in thu ngaihsut theihna nei lo ahih manin, pilna zon’ nading sum tampi a zat hangin a phattuamna om lo hi.