Paunak 14:30 - Tedim Bible

³⁰ Lungnopna in pumpi cidamsak a, hazatna in guh muatsak natna ahi hi.

Tedim Bible Revision 2017

³⁰ Lungnopna in pumpi cidamsak a, hazatna pen guh a muatsak natna ahi hi.

Paunak 14:30 Referans Kwoze

Paunak 17:22

Mai taii-na in ci damsak a, mai gum tawntungna in guhtui teep kang hi.

Paunak 3:8

Tua hi leh, nang adingin damna zatui tawh kibang ding a, na meimate damsakin, na natnate daisak ding hi.

JOB (Job) 5:2

Mihaipa in ama hehna sih lawh a, muhdahna in sihna piangsak hi.

Paunak 12:4

Zi hoih in a pasal’ minthan’na leh lungdamna hi a, a pasal a maizumsak zi in a pasal adingin a dam thei lo guhnatna tawh kibang hi.

Paunak 4:23

Na lungsim ngaihsutnate in nuntakna nak hi a, na neihsa a manphapen bangin na kep ding ahi hi.

2 TIMOTI NIHNA 1:7

Bang hang hiam cih leh, Pasian in eite launa lungsim hong pia ahi kei hi; vangliatna, itna leh ei-le-ei ki-uk zawhna Kha hong pia zo hi.

ROM (Romans) 1:29

diklohna tawh, gitlohna tawh, duhgawh huaihamna tawh, hazatna tawh, en’na tawh, mi thahna tawh, kitotna tawh, kheemna tawh, etsat muhdahna tawh a dim uh hi.

Late 119:80

Guallelh maizumna ka thuak loh nadingin nangma ngeina kipte a kicing takin a zui zo mi hong hisak ta in!

Late 112:10

Migilo in hih thu mu-in a hehsuak a, a ha gawigawi-a tuimang hi; migilopa’ lametna in a mawkna suak ta hi.

Jeim 4:5

Lai Siangtho’ thu in: “Eite sunga teeng Kha Siangtho in eite hong aam mahmah hi,” a cihna in a mawkna ahi ci-in na um uh hiam?

Sawltak 7:9

Tua pawlte’ pate in Josef a haza uh a, Izipt gamah a zuak uh hi.

Paunak 15:13

Lungdamna in mai taiisak a, lungkhamna in mai gumsak hi.

Habakkuk 3:16

Hih thute khempeuh ka zak ciangin ka liing gawp a, lau lua-in ka muk liing sapsap hi. Ka guh ka taang hong zen a, guh nei lo bangin ka pukcip suk hi. Ko hong simgawp mite Pasian in a daan piak ding hun, dai takin ka ngak khikhe ding hi.

1 KUMPI MASATE 21:6

Amah in ama kiangah, “Bang hang hiam cih leh keimah in Jezre-el khuami Naboth kiangah thu genin, ‘Sum tawh lei dingin na leenggui lo hong pia in; ahih kei leh zong, na lungkim leh tua tang dingin leenggui lo dang kong pia ding hi,’ ka ci hi; amah in hong dawngin, ‘Nang tungah ka leenggui lo kong pia kei ding hi,’ hong ci hi,” a ci hi.