Paunak 14:3 - Tedim Bible

³ Mihaite a pau ciangin satna thuaklawh uh a, mipilte’ pauna in sat nading pan pengsak hi.

Tedim Bible Revision 2017

³ Mihaite a pau ciangin siatna thuak lawh uh a, mipilteʼ pauna in siat nading pan pengsak hi.

Paunak 14:3 Referans Kwoze

Paunak 12:6

Migilote’ thugente in mi thahnopna bekbek hi a, midikte’ thugente in a lauhuai sunga om mite honkhia hi.

Mangmuhna 12:11

Amaute in Tuuno’ sisan hangin ahi zongin, amaute teci pan’ na hangin ahi zongin zoin, sihna thuak dongin a nuntakna uh haza lo uh hi.

Mangmuhna 3:10

Nangmah in kei thuakzawhna tawh kipawl thute na zui zo ahih ciangin, leitungah a om mite thu dong dingin leitung khempeuhah a tung ding ze-etna hun panin nang kong liah ding hi.

2 PETER NIHNA 2:18

Bang hang hiam na cih uh leh, khialhna ahih thei mite sung pan a taisuak dek takte tungah kisaktheihna kam mawkna genin pumpi deihna lunggulh luatna tawh, mawhna-ah a zol thei uh hi.

Daniel 7:20

Tua ciangin a lutanga ki sawm leh, a nung ciangin ki khat hong po-a, ki thum a kitanna thu ka thei nuam hi. Amah in mittang leh kiphatsakna kam sia pau na’ng kam a nei hi. A dangte sangin nakpi takin a kihtak huaizaw hi.

Paunak 28:25

A huaiham mi in kitotna piang sak a, Topa a muang mi in mihau hi ding hi.

Paunak 22:8

Thuman lo khaici a vawhte in lungkhamna tuak a, amau’ hehna ciangduai amau’ tung mah tu kik hi.

Paunak 21:24

Mi kihisak i cihte pen, kiliansakin a kiphasak mite ahi hi.

Paunak 18:6

Mihaite in kitot nading a pat ciangin, hong sat un, ci-a a ngenngen ahi hi.

Late 57:4

Mihing tate, huaihamna tawh a netum humpinelkaite laizang ah ka om hithiat hi; amau hate in teipi leh thaltangte hi a, amau leite in namsau hiamte ahi hi.

Late 12:3

“I leii tawh gual zo ding i mukte eima neihsa; i to kua hiam?” a ci vial, kiphatsakna a piangsak leii, phat khemna muk khempeuh, Topa in atkhia ta hen.

JOB (Job) 5:21

Gensiatna pan nang hong kihu ding a, siatna hong tun’ ciangin na lau kei ding hi.

1 SAMUEL MASA 2:3

Tua bangin kiphatsakna tawh pau nawn kei in la, na kam sung pan kihihsakna gingkhiasak kei in; bang hang hiam cih leh Topa in theihna Pasian hi a, amah in gamtatnate tawikhai hi.

Late 31:18

Thumante lang pang a, kihihsak pau in, kiphatsakna leh simmawhna tawh kam a pau, zuauthu gen mukte pau thei lo sak in.

Paunak 14:4

Bawngtal om kei leh lo panin an tawm bek kila a, bawngtal’ tha tawh an kihau hi.

Paunak 13:3

Pau a ki-ip zo mi in a nuntakna a hu hi a, a mawk paupau mi in amah a kisiasak tawm ahi hi.

Paunak 18:7

Mihaite a pau ciangin amau’ siat nading mah kampau hi a, amau kampau mah awkpih uh hi.