Paunak 14:24 - Tedim Bible

²⁴ Pilna in mipilte’ minthan’na lukhu hi a, haina in mihaite’ kizepna bulpi pen ahi hi.

Tedim Bible Revision 2017

²⁴ Pilna pen mipilteʼ minthanna lukhu hi a, haina pen mihaiteʼ kizepna bulpi ahi hi.

Paunak 14:24 Referans Kwoze

Luka 16:9

Ke’n kong cih-inah, aman lo sum tawh lawmte na ngah ding uh hi. Tua hi leh, tua sumte a bei ciangin a om tawntung buk sungah amaute in a hong tungsak ding uh hi.”

Isaiah 33:6

amah pen nangma hunte a kipna, hohkhiatna a kicin’na, pilna leh theihna hi ding hi; Topa kihtakna pen ama sumgum hi ding hi.

Paunak 27:22

Mihai khat a sih dek dongin na satsat hangin, a hai ngei mah-in hai veve lai ding hi.

Late 112:9

Amah in hawmkhia zuahzuah a, mizawngte tungah pia khin hi; ama migitna kip tawntung a, amah vanglianin, kipahtawi ding hi.

Paunak 10:22

Topa’ thupha in mite hausak a, dahna, gimna tawh piakhawm lo hi.

Paunak 13:8

Mihaupa’ sum hauhna in a nuntakna tankhia zo a, mizawngpa in kitat nading bangmah nei lo hi.

Paunak 14:23

Gimpi-a nasepna in hauhna hi a, kam bek pau-in tut mawkna in zawn’na ahi hi.

Paunak 21:20

Mipilpa’ inn sungah neih leh lam a dim a ha-in om a, ahi zongin mihaipa in a ngah zahzah zangkhia pah hi.