Paunak 14:21 - Tedim Bible

²¹ Mizawngte a simmawhte a khial hi a, mizawngte’ tungah a cinghte thupha ngah ahi hi.

Tedim Bible Revision 2017

²¹ Mizawngte a simmawhte a khial hi a, mizawngte tungah a cinghte a lungdam hi.

Paunak 14:21 Referans Kwoze

Paunak 28:27

Mizawng a huhte cimawh ngei lo ding a, huhna a pia nuam lote in samsiatna ngah ding hi.

Paunak 19:17

Mizawngte tungah a piate in Topa’ tungah a pia hi a, Topa in a cingin amaute tungah lohkik ding hi.

Paunak 11:12

Simmawhna tawh midang hopihna in haina hi a, mipilte pau loin om dide hi.

Paunak 17:5

A zawngte a simmawhpa in amah a Piangsakpa a simmawh hi a, midangte tuahsiatna-ah a lungdam mipa in daan tuak hamtang ding hi.

Paunak 14:31

Mizawngte bawlsiatna in a piangsak Pasian simmawhna hi a, mizawngte tungah citna in Pasian zahtakna ahi hi.

Sawltak 20:35

Tua bangin note in na nasep uh a, thahat lo mite na huh ding uh a, ‘Ngahna sangin piakna-ah thupha lianzaw hi,’ ci-in Zeisu in a genna kammal na ngaihsut dingun na khempeuh ah note kiangah thugentehna kong lak zo hi,” ci-in a gen hi.

Daniel 4:27

Tua ahih ciangin kumpipa aw, kong thuhilhna hong mang in. Mawhna bawl nawn kei in la, dik takin gamta in. Mizawngte hehpih leteh, tua in a sia a na gamtatna sate hong puahsak dinga na nuamsa toto ding hi,” a ci hi.

Paunak 18:3

Mawhna bawl leeng maizumna tawh kizom pah a, minsiatna ngah leeng mindaina tawh kizom pah hi.

Late 112:9

Amah in hawmkhia zuahzuah a, mizawngte tungah pia khin hi; ama migitna kip tawntung a, amah vanglianin, kipahtawi ding hi.

Late 112:5

Cingh gamtatin mi tungah leitawi pia a, thutangin a gamta mipa tungah thu hoih hi.

Late 22:24

Bang hang hiam cih leh amah in a thuak mi’ gimna simmawh lo, kih bawl lo hi; ama kiang panin a mai seel lo a, ama tungah a koh ciangin, amah in za hi.

Luka 18:9

Amaute kidiksak a, midang khempeuh a zahtak lo mite kiangah, hih thugentehna Zeisu in a gen-inah,

Paunak 21:10

Migilote in thusia bekbek deih uh a, a lawmte nangawn zah tuan lo uh hi.

Paunak 28:8

A meet a pung lakna tawh a hau mipa in, mizawngte a hehpih thei mipa’ adingin sum zong hi lel hi.

Thu-hilhkikna 15:9

Na lungsim ah ngaihsutna hoih lo hong omin, ‘Kum sagihna, maisakna kum hong nai hi,’ ci-in na sanggampa gal mi etin amah bangmah na piak loh ciangin na lang khatah Topa tungah amah kiko-in, nang tungah khialhna a suah khak ding kingaihsun in.

Paunak 22:9

A cingh mite in mizawngte an pia a, amah in thupha ngah kik hi.