Paunak 14:10 - Tedim Bible

¹⁰ Lungdamna leh lungkhamna eimah bek in i theih hi a, midang kuamah in hong phawkpih kha lo hi.

Tedim Bible Revision 2017

¹⁰ Lungdamna le lungkhamna eimah bek in i theih hi a, midang kuamah in hong phawkpih kha lo hi.

Paunak 14:10 Referans Kwoze

Filippi 4:7

Tua bang na hih uh leh, kuamah in a tel zawh loh Pasian’ nopna in Khazih Zeisu sungah note lungsim uh leh na ngaihsutnate uh hong keem ding hi.

Paunak 18:14

Mihingte’ lungsim in cinatna thuak zo sak a, mihing lungsim kisia leh cih nading dang om nawn lo hi.

Paunak 15:13

Lungdamna in mai taiisak a, lungkhamna in mai gumsak hi.

JOB (Job) 10:1

“Ka nuntakna ka cimtak ta hi; ka dahna thu ka ut utin ka gen ding a, ka lungkham manin ka paupau ding hi.

Mangmuhna 2:17

Kha Siangtho in pawlpite a thupiakna bil nei mi in ngai ta hen. A zo mi a kiseel maana ahi zongin, a ngah mi sim loh kuamah in a thei zawh loh min thak kigelhna suangpak ahi zongin ka pia ding hi.’”

1 PETER MASA 1:8

Tua Topa note in na muh ngeiloh uh hangin na it uh hi. Tu-in zong na muh theih loh uh hangin umin, vangliatna tawh kipawl a kigen thei lo nopna lungsim tawh lungdamin, na kha uh gupkhiatna ahi note upna’ tupna mun na ngah uh hi.

Johan 14:18

“Keimah in note tagahte bangin kong nusia kei ding a, note kiangah kong pai lai ding hi.

JOB (Job) 7:11

“Tua ahih manin pau loin ka om kei ding hi; ka lungkham manin kam ka pau ding a, ka gim luat manin ka phun ding hi.

1 SAMUEL MASA 1:10

Tua nu nakpi takin lungkhamin Topa’tungah thungenin nakpi takin a kap hi.

Johan 12:27

“Tu-in ka lungmang a, bang ka gen ding hiam! Pa aw, hih hun pan hong gum in ka ci ding hiam? Hi lo hi, hih thu hangin hih hun kong tung zo hi.

Ezekiel 3:14

Pasian’ Kha in hong pai khiatpih lai takin ka lungkim het loin ka heh suak mahmah hi. Ahi zongin Topa’ vangliatna in kei hong zo zaw hi.

Late 25:14

Topa tawh kilawmtatna in amah a zahtakte’ ading hi a, a thuciamna amau tungah kitheithang sak hi.

JOB (Job) 9:18

Ka hu nangawn hong sang sak man lo a, lungkhamna tawh hong kidimsak hi.

2 KUMPI NIHNATE 4:27

Tua ciangin Pasian’ mipa kiang mual tungah tua nu a tun’ ciangin tua nu in ama khe len hi. Tua ciangin amah a sawnkhia dingin Gehazi hong pai hi. Ahih hangin Pasian’ mipa in, “Amah tuaci omsak in, bang hang hiam cih leh amah nakpi takin lungkham hi; Topa in kei tungah a thu iim a, kei kiangah hong gen lo hi,” a ci hi.

Johan 14:23

Zeisu in, “Kei hong it mi in ka thu zui ding a, ka Pa in amah a it ding a, ama kiangah hawhin, amah tawh ka omkhawm ding uh hi.

Piancilna 42:21

Tua ciangin amaute khat leh khat in, “A taktak i sanggampa tawh kisai-in eite i mawh hi, amah in eite' kiangah hong thumin eite in a thu i ngaih loh ciangin amah a lungkhamna i mu hi; tua ahih ciangin hih lungkhamna eite' tungah hong tung hi,” kici uh hi.

JOB (Job) 21:25

Pawlkhatte ahih leh nopsak cih thei kha ngei loin, lunggim lungkhamin si uh hi.

1 SAMUEL MASA 1:15

Ahih hangin Hannah in dawngin, “Hi lo hi, ka topa aw, keimah in nakpi takin a lungkham numei ka hi hi; leenggahzu ahi a, kham theih zu ahi zongin ka dawn kei hi, Topa mai-ah ka lungsim a sungkhia ka hi hi.