Paunak 13:4 - Tedim Bible

⁴ Thadah mi in a deih ngah zo lo a, nasep hahkat mi in a deih khempeuh ngah zo hi.

Tedim Bible Revision 2017

⁴ Thadah mi in a deih ngah zo lo a, nasep hahkat mi in a deih khempeuh ngah zo hi.

Paunak 13:4 Referans Kwoze

Paunak 12:24

Mi thunuamte a vang lian a, a thadahte sila suak hi.

Paunak 12:11

Nakpi tak-a lokhote in an hau a, man nei lopi-a hun beisakna in haina hi.

Paunak 10:4

Thadahna in zawn’na hi a, thanuamna in hauhna hi.

Paunak 11:25

A cingh mite hau semsem ding a, midang a huhte in huhna mah ngah kik ding hi.

Paunak 28:25

A huaiham mi in kitotna piang sak a, Topa a muang mi in mihau hi ding hi.

Hebru 6:11

Note khempeuh in thadahna nei loin, upna leh thuakna hangin thuciamna a luah ding mite bangin na gamtat zawh nadingun, a tawp dongin upkhialhna nei loin, lametna tawh na dim nadingun, na hahkat nadingun ka deih uh hi.

Johan 6:27

A sia thei an ngah nadingin hahkat kei un; Mihing Tapa in no hong piak ahing tawntung nuntak tawntungna an na ngah nadingun hahkat un. Bang hang hiam na cih uh leh, Pasian’ ciamtehna a ngahpa in tua Tapa ahi hi,” a ci hi.

Paunak 8:34

Ka thugenna ngai mipa, ni simin ka kong gei-ah omin, ka inn-ah a ngak mipa in thupha ngah ding hi.

Isaiah 58:11

Tua ciangin note lam kong lak tawntung ding a, ni tangin a kap leitangah na kisapnate uh kong lungkim sak ding hi. A cidam a thahatin kong om sak ding hi. Tui tampi a ngah tawntung huan, a kang ngei lo ciktui tawh na kibang ding uh hi.

Paunak 26:13

Thadahpa in, “Lampi-ah humpinelkai om! Kongzingah humpinelkai om!” ci-in lumlum hi.

Late 92:14

Topa thutang hi ci-a a lah nadingin amaute teek napi-in gah lailai uh a, amaute tui kiuhkeuh-in hing sitset uh hi; amah ka Suangpi hi a, ama sungah thuman lohna om lo hi.

Gamlak-vakna 23:10

Kua in Leivui banga a tam Jakob mite a mal sim zo ding a, Israel sehli suah sehkhat a mal sim zo ding ahi hiam? Mi thumanpa’ sihna bangin hong si sak in la, ka mailam thu ama’ aa bang hi sak in!” a ci hi.

Paunak 6:6

Thadahpa aw, miksite kiangah pai in la, amau’ nuntakna zia va en in.

Paunak 12:27

Thadahte, a tup tung ngei lo a, thanuamte in a deih ngah hi.

Paunak 13:3

Pau a ki-ip zo mi in a nuntakna a hu hi a, a mawk paupau mi in amah a kisiasak tawm ahi hi.

Paunak 13:5

Thuman mi in zuauthu deih lo a, a gilo mi in gensiatna leh mindai nading bek pau hi.

Paunak 20:4

Lo khawh hun-a a kho nuam lo thadahpa in, tuk anlak hun ciangin bangmah nei lo ding hi.

Paunak 21:5

Lim takin ngaihsunin geelna in hauhna lampi hi a, nawhsa-in lopthop hihna in zawn’na lampi ahi hi.

Paunak 21:25

Mi thadahpa in na sem nuam lo ahih manin, amahmah a kithat tawm ahi hi.

Piancilna 26:32

Tua ni mahin Isaak’ nasemte hong pai-in amau’ tawhsa tuikhuk thu ama' kiangah hong gen uh a, ama' kiangah, “Tui ka mu zo uh hi,” ci uh hi.

Joshua 7:3

Amaute Joshua kiangah hong ciah kikin ama kiangah, “Mi khempeuh kuanto sak kei in la mi tulnih ahi a, tulthum ahi zongin kuanto sak in Ai simsak in; amaute mi tawmno khat ahih manin tua lai-ah mi khempeuh gimto sak kei in,” a ci uh hi.

Paunak 24:30

Mi thadahpa’ lo gei-ah ka va pai a, mihaipa’ leenggui lo ka nawk kha hi;

Paunak 24:31

ka et ciangin a locing bup-ah kiak dim a, a leitang khempeuh lopa in khuh a, a umna a phungcian’ suangte kicim khin hi.

Solomon la 5:3

Ka puan teng suah khin zo ing, ka puante silh kik ding ka hi hiam? ninsak ding ka hi hiam?