Paunak 13:25 - Tedim Bible

²⁵ Thuman mi in a kham ding nei-in a gil vah a, a gilo mi in nektawm ding nei loin a gil kial hi.

Tedim Bible Revision 2017

²⁵ Thuman mi in a kham ding nei-in gilvah a, a gilo mi in nektawm ding nei loin a gil a kial hi.

Paunak 13:25 Referans Kwoze

Late 34:10

Humpinelkai khang laite in kisapna leh gilkialna thuak hi; ahih hangin Topa a zongte in na hoih a kisap uh om lo hi.

Paunak 10:3

Topa in mihoihte a gil kialin koih lo a, migilote a duh uh ne sak lo hi.

Hebru 13:5

Sumduh luatna tawh na kipelh un. Na neihsa zah uh sum tawh lungkim un. Bang hang hiam na cih uh leh, “Keimah in nang kong paisan ngei kei ding hi, zong kong nusia ngei kei ding hi,” ci-in Pasian in hong gen zo hi.

1 TIMOTI MASA 4:8

Bang hang hiam cih leh, pumpi ading kiseksakna in phattuamna tawmkha a pia thei hi; Pasian biakna lamah nopsakna in tu laitak nuntakna leh tu nung ciangin a piang ding nuntakna tawh kipawl thu kiciamna ngah a, na khempeuhah phattuamna hong pia thei hi,

Paunak 6:11

zawn’na leh cihmawhna in migilo gutate bangin nang hong sugawp pak ding hi.

Thu-hilhkikna 32:24

gilkialna tawh amaute bei ding uh a, meikuang sa mahmah leh gu nei natna in amaute ne-tum ding hi; keimah in amaute a pet dingin ha hiam a nei gamsate, amaute a tu dingin gu a nei gulte ka sawl ding hi.

2 THESALONIKA NIHNA 3:10

Bang hang hiam na cih uh leh, kote in note tawh ka omkhawm lai takun, “Mi khat peuhmah in na a sep nop kei leh, tua mi in an ne kei hen,” ci-in thu kong pia uh hi.

Paunak 24:34

i tungah zawn’na hong tung a, cihmawhna in hong khuhcip hi.

Late 37:16

Migilote’ hauhna sangin thuman mite’ tawmno khat neih hoihzaw hi.

Late 37:3

Topa muang in la gamtat hoih in; gam nuamah teeng in la thumanin om in.

Thu-hilhkikna 28:48

Topa in note’ langah a hong sawl ding na galte uh’ na, gilkialna leh dangtakna, pum guak-a omna, leh na khempeuh kitangsapna tawh, na sem ding uh hi; na galte un note hong suksiat matengin note’ ngawng ah sik hakkol hong thuah ding hi.

Luka 15:14

A sum khempeuh a beikhit ciangin tua gamah nakpi-in kial tung a, amah in nakpi a zawng hi.

Late 103:5

Muvanlai bangin ka thahat theih nadingin thupha namkim hong pia hi.

Late 132:15

Ama beem-le-pang thupha tampi ka pia ding a, a mizawngte, an ka vak kham ding hi.

Paunak 13:18

Thu kihilhna zui lo mi in zawn’na leh mindaina ngah a, thu kihilhna a zui mi in minphatna leh pahtawina ngah hi.