Paunak 13:20 - Tedim Bible

²⁰ Mipil tawh kikhawl lecin na pil ding a, mihai tawh kikhawl lecin gimna na thuak ding hi.

Tedim Bible Revision 2017

²⁰ Mipil tawh kikhawl lecin na pil dinga, mihai tawh kikhawl lecin gimna na thuak ding hi.

Paunak 13:20 Referans Kwoze

Paunak 15:31

Kithuhilhna zuih theihna in, mipilte’ lak-a kihel theihna ahi hi.

Paunak 9:6

Thu thei lote taisanin khan’sau un la, pilna lampi zui un,” ci sak hi.

Mangmuhna 18:4

Tua lai takin vantung pan aw khat ka zak in, “Ka mipawlte aw, tua khuapi gilohnate tawh na kipawl loh nading uh ahi zongin, ama pulnatnate na thuak loh nading uh ahi zongin, pusuakin hong paikhia un.

Late 119:63

Kei pen, nangma thuhilhte a zui a, nangmah a hong zahtak khempeuhte’ kikholhpih ka hi hi.

Hebru 10:24

Tua tham loin, itna lungsim neih nading ahi zongin, a pha-a gamtat nadingin kihansuah nading ahi zongin, khat leh khat kidomto ni.

Malakhi 3:16

Topa a zahtak mite khat leh khat in tua bangin thu kigen uh a, amaute’ thugennate, Topa in ngai-in za hi. Topa in laibu khat nei a, amah zahtakin a thupi ngaihsut mite khempeuh tua sungah kiciamteh hi.

Sawltak 2:42

Amaute in sawltakte’ thuhilhna a mang uh a, kipawl khawmna, khomun balnenna leh thungetna a bawl tawntung uh hi.

1 KUMPI MASATE 12:8

Ahih hangin khanghamte in ama tungah ngaihsutna a piakte amah in nusia-in, amah tawh khang khawmin ama mai-ah a ding khangnote thu dong hi.

Paunak 7:27

Tua bang numei zuihna in sihna gam zuatna hi a, sih baih nading lam zuatna ahi hi.

1 KUMPI MASATE 12:10

Tua ciangin amah tawh a khang khawm khangnote in ama kiangah, “Nangma kiangah, ‘Na pa in ka hakkol uh a gikin bawl hi, ahih hangin kote adingin hong zangsak in,’ hong ci hih mite kiangah hih bangin na gen ding hi; amaute kiangah, ‘Ka khutmeno in ka pa’ kawng sangin gol zaw hi.

2 KHANG TANGTHU NIHNATE 19:2

Ahih hangin amah dawn dingin thu-mupa Hanani’ tapa Jehu hong paikhia a, Kumpi Jehoshafat kiangah, “Migilote huhin Topa a mudahte it ding na hi hiam? Hih thu hangin Topa’ hehna nang tungah hong tung zo hi.

Piancilna 14:12

amaute in Sodom-a a teng Abram’ sanggampa’ tapa Lot leh ama na khempeuh zong la uh a, pai khia uh hi.

1 KUMPI MASATE 22:4

Tua ciangin amah in Jehoshafat kiangah, “Ramoth-gilead ah galdo dingin kei nong zui ding hiam?” a ci hi. Jehoshafat in Israel kumpipa kiangah, “Kei-a kipan ka mite leh ka sakolte in nangma’ aa ka hi uh hi,” a ci hi.

1 KUMPI MASATE 22:32

Leeng a ukte in Jehoshafat a muh uh ciangin amaute in, “Israel kumpipa hi taktak hi,” a ci uh hi. Tua ahih ciangin amah do dingin amaute kihei uh hi; tua ciangin Jehoshafat awng khia hi.

2 KHANG TANGTHU NIHNATE 10:8

Ahih hangin khanghamte in a ngaihsutna a piak nusia-in amah tawh a khang khawm, ama mai-ah a ding khangnote thu kuppih hi.

2 KHANG TANGTHU NIHNATE 22:4

Ahab innkuan mah bangin Topa’ muhna ah a sia gamta hi; bang hang hiam cih leh a pa’ sih khit ciangin ama siatna dingah thulamlakte in amaute ahi uh hi.

Paunak 13:19

Deihna ngahna in lungsim nuam sak a, siat gamtatna panin mihaite pialkhia nuam lo hi.

Paunak 14:7

Mihaite tawh kikhawl kei in, amau’ kiang pan pilna na ngah kei ding hi.

Paunak 22:24

A hehbaih mite tawh kipawl kei in la, a lungtom mite tawh kikhawl kei in.

Paunak 22:25

Amau’ hoih lohnate na zuih khak loh nading na kidop kei leh, nangmah in zong na awk-lawh kha ding hi.