Paunak 13:13 - Tedim Bible

¹³ Thu kihilh ding ut lohna in siat ding utna hi a, thu kihilhna zuihna in lungnopna hi.

Tedim Bible Revision 2017

¹³ Thu kihilh ding ut lohna pen siat ding utna hi a, thukihilhna zuihna pen lungnopna ahi hi.

Paunak 13:13 Referans Kwoze

Gamlak-vakna 15:31

Amah in Topa’ thu simmawhin, a thupiakna siasak ahih manin, tua mipa kikhenkhia siang ding hi; ama mawhna ama tung mahmah om ding hi,” a ci hi.

2 JOHAN NIHNA 1:8

Note in na bawl uh nate mangthangsak loin, a kicing thaman na ngah nadingun na kikem un.

2 KHANG TANGTHU NIHNATE 36:16

ahih hangin a mite tungah Topa’ hehna a suah ciang dong, a hehna a kidamsak zawh nawn loh ciang dongin amaute in Pasian’ kamtaite zahpihin, a thute simmawhin, a kamsangte thusim lo niloh uh hi.

Late 119:165

Nangma thu a deihte in lungnopna lianpi ngah uh a, bangmah in amaute tuksak zo lo hi.

Ezekiel 20:13

Ahi zongin Israel mite in gamlak nangawn-ah kei hong dem uh a, a zui peuhpeuh in nuntakna a ngah nading uh ahi keima thukhamte leh ka thupiaknate nial uh hi. Ka sabbathte zong nakpi takin siasak uh hi. Tua ahih manin amaute a maiman’ nadingin ka hehna teng gamlakah a thuaksak gawp dingin ka kithawi hi.

Late 19:11

Tham loin tuate hangin na nasempa in thu phawkna ngah a, tuate zuihna-ah noptuam lian om hi.

Ezekiel 20:16

Tua bangin kiciamna ka bawlna pen, amaute in ka thupiaknate nialin, ka thukhamte zui lo uh a, ka sabbathte siasak uh hi. Amaute in kei hong biak ding uh sangin milim biak ding ut zaw uh ahihna hang ahi hi.

Ezekiel 20:24

Hih bangin kiciamna ka bawlna pen, amaute in ka thupiaknate nialin, ka thukhamte zui lo uh a, ka sabbathte siasak uh hi. Tua banah a pu pate un a biak milimte mah a biakna hang uh ahi hi.

Isaiah 66:2

Hih nate khempeuh keima khut in a bawlsa hi a, tua ahih ciangin hih nate khempeuh kei’ aa ahi hi, Topa in ci hi. Ahih hangin, kiniamkhiatin kha lamah lungsim a kitamzan mipa, keima thu-ah lau-in a liing kelkelpa pen keima deih mipa ahi hi.

Paunak 13:21

Tuahsiatna in mawhneite sulzuih kawikawi a, midikte tuahpha kawikawi hi.

Paunak 1:25

ka thugente khempeuh hong thudon loin, kong tainate hong mang nuam lo na hih manun,

Late 115:13

amah in Topa a zahtakte alian aneu-in thupha hong pia ding hi.

Luka 16:31

Abraham in, ‘Tuate in Moses’ thu leh Pasian’ kamsangte’ thu a ngaih kei uh leh, mi khat in sihna pan a hingkik zongin a taksang kei ding uh hi,’ a ci hi,” ci-in Zeisu in a gen hi.

Malakhi 3:16

Topa a zahtak mite khat leh khat in tua bangin thu kigen uh a, amaute’ thugennate, Topa in ngai-in za hi. Topa in laibu khat nei a, amah zahtakin a thupi ngaihsut mite khempeuh tua sungah kiciamteh hi.

Mattiu 5:12

Lungdamin na nuam un. Bang hang hiam na cih uh leh, Vantung Gamah a lian noptuamna na ngah ding uh hi. Note pian’ ma a piang kamsangte zong tua mah bangin a bawlsia uh hi.”

Jeremiah 43:2

Hoshaiah’ tapa Azariah leh Kareah’ tapa Johanan-a kipan mi gilo dangte khempeuh in Jeremiah kiangah, “Nang in zuau na phuak hi. Topa i Pasian in, ‘Izipt gamah a teeng dingin pai kei un,’ ci-a gen dingin nang hong sawl lo hi.

Ezra 10:3

Tua ahih ciangin tu-in, ka Topa uh nangma ngaihsutna leh i Pasian’ thupiakna a kihta mite’ ngaihsutna bangin hih i zite leh a tate uh i mak nading thu i Pasian’ tungah kiciam ni; tua ciangin thukham sunga om bangin gamta ni.

Paikhiatna 9:20

Tua ciangin Faro’ nasemte’ lak panin Topa’ thu a zahtak mi in ama' silate leh a ganhingte inn-ah taisak hi;

Paunak 13:12

Lamet tun’lohna in lungsim cinasak a, deihna tangtun’na in lungdamna hi.

Paunak 19:16

Thukham a zuite a khan’ sau ding a, thukham a zui lote si ding hi.

Late 19:12

Ahih hangin kua in ama khialhnate kimukhia thei hiam? Theih loh man-a khialnate panin hong siangsak in.

Paunak 16:20

Thuhilhna a mang mite, a maa vang ding a, Topa a muang mite, thupha ngah ahi hi.