Paunak 12:22 - Tedim Bible

²² Topa in zuau gen mite mudah a, mi citakte tungah lungdam hi.

Tedim Bible Revision 2017

²² Topa in zuaugen mite mudah a, mi citakte tungah a lungdam hi.

Paunak 12:22 Referans Kwoze

Late 5:6

Zuauthu a gen mite na susia hi; Topa in, mi thah nopna lungsim leh mi kheem nopna lungsim neite mudah hi.

Mangmuhna 22:15

Pua lamah ahih leh, uite, mi bum theite, nu leh pa mawhna a bawl theite, mi that theite, milim biate leh a man lo nate deihin a gamta thei mite a om uh hi.

Paunak 11:20

Topa in lungsim gilo mite mudah a, a man-a gamtate tungah lungkim hi.

Jeremiah 9:24

A kisa theite in, keimah, leitungah migitna, thumanna leh thu tan’na zang ka hihna leh tuate sungah nuam a sapa ka hi hi, cih hong telna leh hong theihna uhah kisathei uh hen,” Topa in kong ci hi.

Isaiah 9:15

Upate leh a zahtak huai mite pen a lutang hi a, zuauthu a hilh kamsangte pen a mei ahi hi;

Paunak 11:1

Topa in tawikhaina man lo a zangte mudah a, tawikhaina man a zangte tungah lungkim hi.

Ezekiel 13:22

Keima gen hilo pi-in, na thu zuau gen teng uh tawh mi hoihte na lunggimsak uh a, mi gilote a nuntak theih nadingun hong kihei loh nadingin na lehhanthot zawsop uh hi.

Paunak 15:8

Topa in migilote’ biakpiakna kihhuai sa a, thuman mite’ thungetna-ah lungdam hi.

Ezekiel 13:19

Mangbuhham khut khat dim leh anlum them tawm khat na ngah theih nadingun ka mite mai-ah kei nong minsiasak uh hi. A si dingin a kilawm lopite na that nuam uh a, a hing dingin a kilawm lopite na hingsak nuam uh hi. Tua bangin ka mite tungah zuau thu genin, amaute in note’ thugen hong um uh hi.

Mangmuhna 21:8

Lau-in a um lo mi, a kihhuai mi, mi that thei mi, nu leh pa mawhna a bawl mi, mi bum thei mi, milim bia mi, zuauthu gen mi khempeuh ahih uh leh, nihna sihna ahi kat leh mei lipi sungah a kituakin a thuak ding uh hi,” ci-in keima kiangah hong gen hi.

1 KUMPI MASATE 13:18

Tua ciangin amah in ama kiangah, “Kei zong nangmah bangin kamsang khat ka hi a, Topa’ thu tawh vantungmi khat in kei tungah thu hong gen a, ‘Amah in an leh tui ne-in a dawn theih nadingin na innah amah paipih kik in,’ hong ci hi,” a ci hi. Ahih hangin amah in ama tungah zuau genin a phuahtawn ahi hi.

Late 120:2

Topa aw, mizuaute leh mikhemte kiang panin kei hong honkhia in.”

Paunak 17:7

Miliante in zuauthu gen ngei lo a, mihaite in na-a kimang kampau ngei lo hi.