Paunak 11:5 - Tedim Bible

⁵ Thumanna in midikte’ nuntakna a nuam zaw-in piangsak a, migilote in amau’ gitloh mah puklawh uh hi.

Tedim Bible Revision 2017

⁵ Thumanna in midikteʼ nuntakna a nuam zaw-in piangsak a, migilote in amauʼ gitlohna mah puk lawh uh hi.

Paunak 11:5 Referans Kwoze

Paunak 5:22

Migilopa’ mawhna in thangzak bang hi a, ama mawhna thang sung mahah amah awk hi.

Paunak 11:3

Midikte thuman in gamta uh a, amau’ hoihlohna tawh migilote kisusia hi.

Paunak 3:6

Na hihna khempeuh ah amah phawk in; tua hi leh lampi maan hong lak ding hi.

2 SAMUEL NIHNA 17:23

Ahithofel in ama thugen a kizuih loh a muh ciangin a la tutphah vawhin ama khuapi a inn-ah nuak ciah hi. Tua ciangin amah in a innkuan vai hawmsak a, tua ciangin amahmah gui-awk hi; amah si a, a pa’ han-ah kivui hi.

Thukhente 20:41

Tua ciangin Israel mite hong kilehhei uh a, Benjamin mite lungkia uh hi; bang hang hiam cih leh amau’ siat nading a naina thei uh hi.

Paunak 12:3

Gitlohna in lungmuan’na piangsak lo a, thuman mite lungmuang takin om uh hi.

Paunak 21:29

Migilote in mi’ muan theih nadingin khauh pau uh a, midikte ahih leh lungmuangin kampau hiathiat uh hi.

JOB (Job) 18:7

A khe kip ngei a, ahi zongin tu-in a khe bai ta hi. Amah in a ngaihsut khialhna puklawh hi.

Paunak 1:18

Ahi zongin hih mite in amau’ awk nading mah thang siah uh a, kuamahdang awk loin, amau mah hai awk uh hi!

Paunak 13:6

Diktatna in midikte hu a, gitlohna in mawhneite’ pukna hi.

Paunak 14:32

Migilopa, ama tatsiatna in puksak a, mihoihpa, ama hoihtatna in hu hi.

Paunak 15:19

Mi thadahte in mun khempeuh ah haksatna tuak a, mi thumante in haksatna tuak kha lo hi.

Paunak 28:18

Thuman-a gamta mite lung muangin om ding uh a, a zuautat mite ahih leh puk ding uh hi.

Isaiah 26:7

Midikpa’ lampi tamkim a, nangmah in midikpa’ lampi na neel sak hi.

Hosea 5:5

Israelte’ kiphatsakna in amau mah’ siat nading ahi hi. Amau’ mawhna in amaute puksak ding a, Judah mite in zong pukpih ding uh hi.