Paunak 11:22 - Tedim Bible

²² Thu a ngaihsun thei lo numei meelhoihna in, vokpi muk-a om kham nakbah tawh kibang lel hi.

Tedim Bible Revision 2017

²² Thu a ngaihsun thei lo numei melhoih pen vokpi muk a om kham nakbah tawh kibang lel hi.

Paunak 11:22 Referans Kwoze

Paunak 31:30

Ngaihban’na in zuaupi hi thei a, mel hoihna zong maimang thei hi; ahi zongin Topa a zahtak numei in a phat taak khat ahi hi.

Paunak 9:13

Haina in a kamtam, zumna meel thei lo numei tawh kibang a,

Paunak 7:10

Tua numei in numei paktatte’ puansilh ngeite silh kawmin, ngimna khat tawh tua tangval na dawntuah hi.

2 PETER NIHNA 2:22

‘Ui in ama luak a ne kik hi; vokpi in a kisil khit ciangin buan lakah a bual kik hi,’ ci-in a man thugentehna bangin tua mite tungah a piang zo hi.

Piancilna 24:47

Tua ciangin, ‘Kua’ tanu na hi hiam?’ ci-in amah ka dong hi. Amah in, ‘Nahor leh a zi Milkah’ tapa Bethuel, tanu ka hi hi,’ hong ci hi. Tua ahih ciangin a nak tungah nakbah ka batsak a, a khut tungah taute ka butsak hi.

Paunak 11:21

Migilote in daan a thuak hamtang nading, midikte daan tawh a kipelh nading thei in.

Paunak 12:4

Zi hoih in a pasal’ minthan’na leh lungdamna hi a, a pasal a maizumsak zi in a pasal adingin a dam thei lo guhnatna tawh kibang hi.