Paunak 11:13 - Tedim Bible

¹³ Mi a gensia-siate’ tungah thusim kigen ngam lo a, a muanhuai mite tung bekah thusim kigen ngam hi.

Tedim Bible Revision 2017

¹³ Mi a gen siasiate tungah thusim kigen ngam lo a, a muanhuai miteʼ tung bekah thusim kigen ngam hi.

Paunak 11:13 Referans Kwoze

Paunak 20:19

Mi a gensia kawikawite muanhuai thei lo hi; tua banga mihai paute tawh kikhawl kei in.

Paunak 25:9

Na thuneihpih na vengpa bek mah tawh thu kisel in la, mi khat’ thusim midang tungah genthaang kei in,

Siampi Laibu 19:16

Note in na mihingte lak uhah mi gensia-in vaksuk vakto loin, na vengpa uh a sih nadingin na langpang kei ding uh hi: keimah in Topa ka hi hi.

1 TIMOTI MASA 5:13

Tua tham loin, inn khat pan inn khatah vak kawikawi-in, thadah tham loin, kam tamin, a gen tuak lo nate genin, amau tawh kikum lo thu-ah a kihel thei uh hi.

Joshua 2:14

Mite in ama tungah, “Nang’ tangin kote ka si ngam uh hi. Hih ko thu na genkhiat kei nak leh Topa in kote tungah hih leitang hong piak ciangin nang tungah dikna leh thumanna tawh kong gamta ding uh hi,” a ci uh hi.

Jeremiah 38:27

Kumpi ulian khempeuh Jeremiah’ kiangah hong pai takpi uh a, thu a dong uh hi. Amah’n zong kumpipa’ vaikhakna bangin a dawng kik hi. Tua ciangin amau a gen ding uh om nawn lo hi. Bang hang hiam cih leh kumpipa tawh a kihona a za sim kuamah a om kei uh hi.

Paunak 14:5

A citak teci in thuman bekbek gen tawntung a, a gina lo teci in zuauthu bekbek gen tawntung hi.

Joshua 2:20

Ahih hangin hih ko thute na gen khiat leh, kote nong kiciam sak thuciamna tawh kisai-in kote ka siang ding uh hi,” a ci uh hi.

Paunak 11:12

Simmawhna tawh midang hopihna in haina hi a, mipilte pau loin om dide hi.

Paunak 12:23

Mipilte in a theihna uh im khinkhian a, mihaite in a haina uh pholaklak hi.

Paunak 19:11

Pilna in mi lungduaisak a, mi’ hong hehsaknate kiphawkmawh bawlna in minthan’na hi.

Paunak 10:19

Kam tam paute, tampi khial a, pau ip theite mipil hi.