Paunak 11:11 - Tedim Bible

¹¹ Thuman mite’ omna hangin khuapi a lian suak a, migilote’ kampauna hangin khuapi kisia hi.

Tedim Bible Revision 2017

¹¹ Thuman miteʼ omna hangin khuapi a lian suak a, migiloteʼ kampauna hangin khuapi a sia suak hi.

Paunak 11:11 Referans Kwoze

Paunak 14:34

Thumanna in minam minthangsak a, mawhna in minam mindaisak hi.

Paunak 29:8

Thu a khual lote in khua sungah buaina lianpi piangsak a, mipilte in tua buaina dai sak thei hi.

Jeim 3:6

Leii in mei a hi hi. A gilo na, leitung na ahi eite’ pumpi sungah om a, pumpi khempeuh ninsak a, pumpi hih theihna khempeuh zong hal a, amahmah in hel khua ah halna a thuak hi.

Thuhilh-sia 9:15

Tua khua sungah azawng mipil khat om a, ama pilna tawh tua khua hu zo hi. Ahi zongin kuamah in tua mizawngpa phawk kha lo hi.

JOB (Job) 22:30

Nang a mawhbaang lo a, na gamtatna a man ahih nak leh amah in nang hong hon ding hi,” a ci hi.

2 SAMUEL NIHNA 20:1

Tu-in tua lai-ah Benjamin mi, Bikhri’ tapa Sheba min nei, mi ginalo khat hong om kha hi; amah in peengkul tumin, “David sungah tanh i nei kei hi, Jessi’ tapa’ sungah gamh i nei kei hi; mi khempeuh na inn ciat uh-ah ciah un, Israelte aw,” a ci hi.

Piancilna 45:8

Tua ahih ciangin hih lai-ah a hong sawl mi in note na hi kei uh hi, Pasian ahi hi; amah in Faro’ pa-in kei hong bawlin, ama' inn khempeuh’ topa leh Izipt gam khempeuh ukpa-in amah in kei hong bawl khin hi.

Paunak 11:10

Midikte a tuahphat ciangin khua sungah lungdamna om a, migilote a sih ciangin zong khua sungah lungdamin kikona om hi.

Paunak 11:12

Simmawhna tawh midang hopihna in haina hi a, mipilte pau loin om dide hi.

Paunak 28:2

Gamsung mite a hoih loh ciangin, a ban banin gam uk tampi nei uh a, ahi zongin mipil thu ngaihsun theite in, gamsung thahatsakin kipsak uh hi.