Paunak 10:3 - Tedim Bible

³ Topa in mihoihte a gil kialin koih lo a, migilote a duh uh ne sak lo hi.

Tedim Bible Revision 2017

³ Topa in mihoihte a gil kialin koih lo a, migilote a duh uh nesak lo hi.

Paunak 10:3 Referans Kwoze

Late 37:25

Thuman mi a kinusiacip hita leh, a tate an ngen tawm-a kivaak hita leh, ka neu lai-a kipan tu-a ka teek dong ka mu ngei nai kei hi.

Late 37:3

Topa muang in la gamtat hoih in; gam nuamah teeng in la thumanin om in.

Zefaniah 1:18

Topa’ heh thukna ni hong tun’ ciangin, amau’ ngun leh amau’ khamte in honkhia zo lo ding hi. Ama hehna meikuang in leitung khempeuh kangtum ding a, thakhat thu-in leitunga teeng mi khempeuh sumai ding hi.

Late 37:19

siatna hun ciangin amaute kimaizumsak lo a, kial hun ciangin tampi nei uh hi.

JOB (Job) 5:20

Kialpi sungin na sih nading pan hong honkhia ding a, gal sungah namsau panin hong suakta sak ding hi.

Luka 12:31

Ama Gam na zong masa un. Na zon’ uh leh tua nate khempeuh zong hong kipia thuah ding hi.”

Isaiah 33:16

Hih in a san’na munte ah teengin, kulh mualpi bukna-a a zang ding mipa ahi hi. Amah an kipia in, a dawn ding tui kitasam lo ding hi.

Paunak 14:32

Migilopa, ama tatsiatna in puksak a, mihoihpa, ama hoihtatna in hu hi.

Late 112:10

Migilo in hih thu mu-in a hehsuak a, a ha gawigawi-a tuimang hi; migilopa’ lametna in a mawkna suak ta hi.

JOB (Job) 20:28

Pasian’ hehna hangin, ama hauhna khempeuh kisusia ding hi.

Late 10:14

Nangmah in na mu hi; hi takpi hi, na khut sungah na koih theih nadingin haksatna leh gimna na ciamteh hi; tuahsia mi in nangma tungah ama pumpi hong ap hi; pa nei lote a huhpa na hi hi.

Paunak 13:25

Thuman mi in a kham ding nei-in a gil vah a, a gilo mi in nektawm ding nei loin a gil kial hi.

Paunak 28:9

Mi khat in thukham a zuih nop kei leh, ama thungetna nangawn Pasian in zak thadahhuai sa hi.

Paunak 28:25

A huaiham mi in kitotna piang sak a, Topa a muang mi in mihau hi ding hi.

JOB (Job) 15:23

amah ne dingin musanete in ngak uh hi. A mai lam thu lungzin’huai ahihna thei hi.