Paunak 10:27 - Tedim Bible

²⁷ Topa zahtakna in khan’sausak a, migilote khan’ sih hi.

Tedim Bible Revision 2017

²⁷ Topa zahtakna in khan sausak a, migilote khansih hi.

Paunak 10:27 Referans Kwoze

Paunak 9:11

Pilna in na khang hong khan ding a, na nuntakna hong sausak ding hi.

Paunak 3:2

Kong thuhilhte in na khan’ hong sausak ding a, nang hong daupai sak ding hi.

Late 91:16

Nuntak sau tawh amah ka lungkim sak ding a, amah ka honkhia ding hi.

Thuhilh-sia 7:17

Gilo lua, hai lua kei in. Bang hangin khan’sih laizang ding na hi hiam?

Late 21:4

Nangma tung panin amah in nuntakna hong ngen a, ama tungah sau veipi nuntakna na pia hi.

Paunak 3:16

Pilna in hong khan’ sausak a, hauhna leh pahtawina zong hong pia hi.

Late 55:23

Ahih hangin Pasian aw, dum thukpenna munah nangmah in amaute na lawnsuk ding a, mi a thatte leh mikhemte pen amau nuntak ding zah lang hing lo ding hi. Ahih hangin keimah in nang kong muang ding hi.

Luka 12:20

Ahih hangin Pasian in, ‘Mi haipa aw, tu nitakin na kha a kila ding hi. Na kholsa nate kua in luah ding hiam?’ a ci hi.

Jeremiah 17:11

Thu manlo pi tawh a hau mi in ama’ tui lopi keuhsak dinga a op sim vasa tawh kibang hi. A khan’ lai-in a neihsa teng a taan ding a, a tawpna-ah mihaipi a suak ding hi.

Thu-hilhkikna 11:9

“Tua ahih ciangin note thahatin, note va pai-in na luah ding uh leitangah va pai-in na luah theih nading uh leh, Topa in na pu na pate uh leh a suan leh khakte uh piak dingin a kiciam, bawngnawi leh khuaizu a luan’na gamah sau vei na nuntak theih nadingun tu ni-a kong thupiak ahi thupiakna khempeuh na zui ding uh hi.

Paunak 14:27

Topa zahtakna in nuntakna tuinak tawh kibang a, sihna thang tawh kipelhsak hi.

Paunak 28:18

Thuman-a gamta mite lung muangin om ding uh a, a zuautat mite ahih leh puk ding uh hi.