Paunak 10:20 - Tedim Bible

²⁰ Mihoihte’ thugente in nguntang bang a, migilote’ ngaihsutna in bangmah man lo hi.

Tedim Bible Revision 2017

²⁰ Mihoihteʼ thugente ngun tang bang a, migiloteʼ ngaihsutnate in bangmah man lo hi.

Paunak 10:20 Referans Kwoze

Jeremiah 17:9

“Lungsim in na khempeuh lakah a khem hatpen hi a, a kisia pha mahmah hi; kua in a thei thei ding hiam?

Paunak 12:18

Ngaihsun lo-a kampauna in temhiam bangin mi liamsak thei a, mipilte’ kampauna in tua bang liamna damsak thei hi.

Piancilna 6:5

Leitungah mihing’ gitlohna a liatna leh mihing' lungsim ngaihsutna peuhmah a sia a hih ngitngetna thu Topa in mu hi.

Paunak 23:7

“Ne ne in hong cih hangin,” a cih takpi hi lo hi. Na dangtawng hong sun samzang nek khak tawh kibang ding hi.

Paunak 16:13

Kumpite in thuman genna deih uh a, thuman a gen mite it uh hi.

Paunak 15:4

Kamkhum in nuntakna piangsak a, kamsia in lung gimsak hi.

Paunak 8:19

Keima kiang panin na ngahte uh, ngun hoihpen sangin hoihzaw a, kham hoihpen sangin zong hoihzaw lai hi.

Piancilna 8:21

Topa in a namtui gimnam a nap ciangin, a lungsim sungah, “Mi’ hangin leitang ka samsiat kik ngei nawn kei ding hi, bang hang hiam cih leh mi’ lungsim ngaihsutna pen a neucil panin gilo hi; tu-a ka hih bangin nuntakna a neite khempeuh zong ka susia ngei nawn kei ding hi.

Late 37:30

Thuman mi’ kam in pilna gen a, a leii in thutang gen hi.

Paunak 20:15

Pilna tawh kam na pau theih leh, kham leh suangmanpha sangin a manphazaw a nei na hi hi.