Paunak 10:19 - Tedim Bible

¹⁹ Kam tam paute, tampi khial a, pau ip theite mipil hi.

Tedim Bible Revision 2017

¹⁹ Kam tam paute tampi khial a, pau ip theite mipil hi.

Paunak 10:19 Referans Kwoze

Jeim 3:2

Eite khempeuh in na tampi-ah i khial thei hi. Mi khat in kampau a khialh kei leh, tua mi in a kicing mi hi a, ama pumpi khempeuh a keem thei mi zong ahi hi.

Jeim 1:19

Ka it ka u ka naute aw, hih thu na thei uh hi. Ahih hangin mi khempeuh in khuazak nading manlang hen, kampau nading ahi zongin, heh nading ahi zongin, manlang kei hen.

Thuhilh-sia 5:3

Na lunghimawh semsem leh na mang sia semsem ding a, tam pau semsem lecin na haina kilang semsem ding hi.

Late 39:1

“Ka leii tawh ka khialh loh nadingin ka gamtatna ka kikem ding a, ka omna-ah migilote a om lai teng ka kam ka kham ding hi,” ka ci hi.

JOB (Job) 11:2

“Kampau hihzahta hong kidawng lo ding sa a, kam tam pauna hangin thumanin hong kiseh ding sa na hi hiam?

Paunak 18:21

Kampauna in sihna ahi a, hin’na ahi zongin piangsak thei a, i kampauna banga piangte san’loh phamawh hi.

Thuhilh-sia 5:2

Thu ngaihsun masa-in pau in la, Pasian’ tungah thu mawkciam pak kei in. Vantungah Pasian om a, leitungah nang om na hih manin na pau dinga kilawm zah val pau kei in.

Paunak 11:12

Simmawhna tawh midang hopihna in haina hi a, mipilte pau loin om dide hi.

Paunak 11:13

Mi a gensia-siate’ tungah thusim kigen ngam lo a, a muanhuai mite tung bekah thusim kigen ngam hi.

Paunak 12:23

Mipilte in a theihna uh im khinkhian a, mihaite in a haina uh pholaklak hi.

Thuhilh-sia 5:1

Biakinn-ah na pai ciangin lim takin kingaihsun in. Aman leh aman lo a khen thei lo mihaite’ biakpiaknate tawh a kibang piakna sangin thungai dingin biakinn-a paina hoihzaw hi.