Paunak 1:32 - Tedim Bible

³² Bang hang hiam cih leh thu thei lote in, pilna a don loh manun sihlawh uh a,

Tedim Bible Revision 2017

³² Bang hang hiam cih leh thu thei lote in pilna a don loh manun sih lawh uh a, mihaite in lunghihmawhna a neih loh manun siatlawh uh hi.

Paunak 1:32 Referans Kwoze

Hebru 12:25

Note in thu hong piapa’ kam na nial loh nadingun kikem un. Bang hang hiam na cih uh leh, leitungah thu genkholhna hong pia mi’ kam a nial mi in mawhna tawh kipelh lo ahih leh, tua tham loin vantung pan thu hong pia kholpa kiang pan eite in pialkhia lehang, mawhna pan i suakta kei zawtham ding hi.

Paunak 8:36

Ahi zongin kei hong mu lopa in amahmah a kisusia hi a, kei hong mudah peuhmah, a si nuam ahi hi,” hong ci hi.

Johan 3:36

Tapa thu a umte khempeuh in nuntak tawntungna a nei hi. Ahih hangin Tapa a um lo mi in nuntakna a ngah kei ding hi, Pasian’ hehna in tua pa tungah a om hi.

Jeremiah 2:19

Na gitlohna mah in nangmah hong thu hilh ding-a, na thu up nawn lohna in nangmah hong mawhsak ding hi. Topa na Pasian nong nusiat ciang, kei nong kihtak nawn loh ciangin, nuam hetlo-a kha keei hi, cih thu thei in la, mu in, a vanglian Topa Pasian in kong ci hi.

Hebru 12:8

Tate khempeuh in a thuak theih thuhilhna thuak lo na hih uh leh, ta taktak na hi kei ding uh hi, zawlta na hi ding uh hi.

Late 69:22

Amau mai-a a sabuai uh thangzak suaksak in la, amau biakna pawite tehlop suaksak in.

Jeim 5:5

Note in leitungah lungdam nopsakna ngahin na om zo uh hi. Kithah ni adingin na lungsim uh na vaak thau zo uh hi.

Paunak 1:22

”Mihaite aw, bangtanvei hai omom nuam lai na hi uh hiam? Bangtanvei pilna thudon loin om ding na hi uh hiam? Pilna ngaihsutin nei ngei lo ding na hi uh hiam?

Paunak 5:22

Migilopa’ mawhna in thangzak bang hi a, ama mawhna thang sung mahah amah awk hi.

Paunak 8:5

Ngaihsut kicing nai lote aw, na lungsim uh picing sak un. Mihaite aw, thu ngaihsun un.

Isaiah 66:4

Tua ahih ciangin amaute tungah gimna ka tungsak ding a, amau’ kihtak thute mah amau tungah ka tungsak ding hi. Bang hang hiam cih leh ka sap ciangin kuamah in hong dawng lo a, thu ka gen ciangin kuamah in hong ngai lo uh hi; keima thu man’ loh ding mah ut zaw uh a, a sia-in gamta uh hi, a ci hi.

Thu-hilhkikna 28:17

Na lawhte uh leh na annel meekna kuangte un zong samsiatna ngah ding hi.

Paunak 2:18

Tua nu’ inn-ah pai lecin sihna lampi zui na hi a, misite’ gam a zuan na hi hi.

Paunak 9:18

Tua lai-a a paite a sihna thu, tua lai-a lutsate sihna gamthuk sungah a om khitna thu, a khem zawh mite in phawk kha lo uh hi.

Paunak 10:21

Mihoihte’ thugente in mi tampi nuamtuam sak a, mihaite in a hai sihpih uh hi.

Paunak 14:16

Mipilte in Topa zahtakin siatna panin kihem a, mihaite in thu ngaihsun masa loin gamta pahpah hi.

Amos 6:1

Israel minamte in muan-a hong neih, minam laka ulian ahi, Zion-ah nuntak nuama a om hithiat, Samaria-ah lungmuang taka a om note’ adingin, zumhuai mahmah hi.