Paunak 1:28 - Tedim Bible

²⁸ Tua bang hun ciangin kei nong sam ding uh a, ahi zongin kong dawng kei ding hi. Lim takin kei nong zong ding uh a, ahi zongin koi mah-ah nong mu kei ding uh hi.

Tedim Bible Revision 2017

²⁸ Tua bang hun ciangin kei nong sam ding uh a, ahi zongin kong dawng kei ding hi. Limtakin kei nong zong ding uh a, ahi zongin koi mahah nong mu kei ding uh hi.

Paunak 1:28 Referans Kwoze

Micah 3:4

Topa tungah huhna ngenin na kiko hun uh hong tung ding a, ahi zongin amah in note hong dawng lo ding hi. Note gamtatsia na hih manun, na ngetna uh hong ngai lo ding hi.

Jeim 4:3

Thu na nget uh hangin na deihgawh nopsakna hoih lote na ngah nadingun ngen khial na hih ciangun na ngah kei uh hi.

Zekhariah 7:13

Amaute ka hopih ciangin hong ngai nuam lo uh hi; kei zong amaute’ hong thungetna ka ngai kei ding hi, Topa in ci hi.

Jeremiah 11:11

Tua ahih ciangin Topa in kong cih-inah, en un, a suahtak theih loh uh gimna amau’ tungah ka tungsak ding a, kei kiangah a hong kap liang uh zongin ka dawng nawn kei ding hi.

Isaiah 1:15

Thu ngenin na khutte uh nong zaak uh ciangin note kiang pan ka mai ka seel ding a, thu tampi na nget uh hangin, ke’n ka ngai tuan kei ding hi; bang hang hiam cih leh note’ khut in sisan tawh kidim hi.

JOB (Job) 27:9

Lungkhamna a thuak uh ciangin, Pasian in amau’ kikona aw ngai ding ahi hiam?

Jeremiah 14:12

An a tan’ uh hangin amau’ thuumna ka ngai kei ding a, meihal biakna leh an tawh biaknate hong piak uh hangin ka sang kei ding hi. Amaute namsau tawh ahi zongin, kial tawh ahi zongin, pulnatna tawh ahi zongin ka sisak zaw ding hi,” hong ci hi.

Late 18:41

Huh ding ngenin amaute kiko uh a, ahih hangin a hon ding kuamah om lo hi; amaute in Topa tungah ko uh a, ahih hangin amah in dawng lo hi.

Ezekiel 8:18

Tua ahih manin amaute in ka heh mahmahna thuak ding uh a, amaute ka zah kei ding a, zong ka khasiat kei ding hi. Amaute in a tha neih tawpun kei tungah thu hong nget uh hangin amaute’ thungetna ka ngai kei ding hi,” hong ci hi.

JOB (Job) 35:12

Amaute migilo mi kihisakte ahih manin, huh ding a nget hangun Pasian in pia lo hi.

1 SAMUEL MASA 8:18

Tua ni ciangin note’ ading na teelsa uh na kumpipa uh hangin note na kiko ding uh hi; ahih hangin tua ni ciangin Topa in note hong dawng lo ding hi,” a ci hi.

Paunak 8:17

Kei hong itte ka it a, kei hong zong peuhmahte in hong mu uh hi.

Piancilna 6:3

Tua ciangin Topa in, “Ka Kha inmi tawh buai paisuak lo ding hi, bang hang hiam cih leh mihing pumpi in a si thei ci-le-sa hi a, a khan’ in kum za leh kum sawmnih hi ding hi,” ci hi.

Hosea 5:15

Ka mite in a mawhna hangun gimna thuakin kei hong zon’ kik mateng ka tuaci nusiat phot ding hi. A lungkham uh ciangin kei hong zong ding uh a,

Late 66:18

Ka lung sungah mawhna kem leng, Topa in ka thu hong ngai lo ding hi.

Paunak 15:29

Topa in midikte’ thungetna ngai a, migilote’ thungetna don lo hi.

Solomon la 5:6

Ka ngaihno, lutsak dingin kong ka hon’ a, amah na taikhia khin ta hi. Amah a taikhiat manin ka dah lua a, amah ka zon’ hangin ka mu kei a, amah ka sap hangin hong dawng lo hi.

Hosea 5:6

A tuute uh leh a bawngte uh tawh Topa tungah biakna pia dingin paipih ding uh a, ahi zongin a mawkna suak ding hi. Topa in amaute nusia khin ahih amanin amah mu zo lo ding uh hi.

Thu-hilhkikna 1:45

Note hong ciahkikin Topa mai-ah na kap uh hi; ahih hangin Topa in na aw uh hong ngai loin, a bil zong hong ngat lo hi.

Late 18:42

Huihpi mai-ah leivui bangin amaute ka satvui a, kongzing buante bangin amaute ka lawnkhia hi.

Amos 8:12

Mihingte, leilu pan leitaw dong, nisuahna pan nitumna dong, Topa’ thu kanin vak kawikawi ding uh a, ahi zongin mu zo lo ding uh hi.