Paunak 1:2 - Tedim Bible

² Mite in pilna leh thuhoihte a phawk theih nading, khiatna thuk a nei kammalte a theih theih nading.

Tedim Bible Revision 2017

² Mite in pilna le thuhoihte a phawk theih nading, khiatna thuk a nei kammalte a theihtheih nading.

Paunak 1:2 Referans Kwoze

Paunak 7:4

Pilna, na sanggamnu dingin nei in la, thumuhna, na lawm itpen dingin nei in.

Paunak 17:16

Mihaipa in thu ngaihsut theihna nei lo ahih manin, pilna zon’ nading sum tampi a zat hangin a phattuamna om lo hi.

Paunak 8:5

Ngaihsut kicing nai lote aw, na lungsim uh picing sak un. Mihaite aw, thu ngaihsun un.

Paunak 16:16

Kham sangin pilna hoihzaw a, ngun sangin thu theihna deihhuai zaw hi.

Paunak 4:1

Tate aw, na pa uh’ hong hilhnate ngai un la, thu na teltheih nadingun lim takin ngaihsun un.

Paunak 15:33

Topa zahtakna in pilna mah hi pah a, kiniamkhiatna in pahtawina hong ngah sak hi.

Paunak 2:9

Tua hi leh thuman leh thutang, ahoih leh a kilawm na thei ding hi.

Paunak 8:33

Hong kihilhnate zui-in pilna ngah un la, thudon loin mawk om kei un.

Paunak 19:20

Thu kigente ngai-in, hong kihilhte mang lecin, mailam ah mipil na hi ding hi.