Paunak 1:11 - Tedim Bible

¹¹ Amaute in, “Hong pai in, mi khatpeuh va that ni, Mi ommuang khat va muan suam ni,

Tedim Bible Revision 2017

¹¹ Amaute in, “Hong pai in, mi khatpeuh va that ni! Mi ommuang khat va muan suam ni!

Paunak 1:11 Referans Kwoze

Jeremiah 5:26

Ka mite lakah mi gilote kihel uh a, vasa thang siah bangin mite thang siah-in man uh hi.

Paunak 1:18

Ahi zongin hih mite in amau’ awk nading mah thang siah uh a, kuamahdang awk loin, amau mah hai awk uh hi!

Paunak 12:6

Migilote’ thugente in mi thahnopna bekbek hi a, midikte’ thugente in a lauhuai sunga om mite honkhia hi.

Sawltak 25:3

Lampi-ah bukin thah ding a vaihawm uh a, Jerusalem khua-ah a paisak nadingin a thuum uh hi.

Sawltak 23:15

Tua ahih ciangin note in upa vaihawmte tawh Paul thu a pha takpi khen ding bangin a hong paipihsuk nadingun galkap mangpa kiangah na ngen un. Paul in note kiangah hong tun’ ma-in lam kalah that dingin ka omkhol ding uh hi,” ci-in a gen uh hi.

Micah 7:2

Leitungah mihoih teng bei khin ta a, Pasian tungah a thuman mi kuamah om nawn lo hi. Mi khempeuh in mi thah ding bek ngaihsun uh a, a kuamah peuh in a sanggampa ngen tawh beng hi.

Jeremiah 11:19

A kithatlum dinga kipaipih mawhna nei lo tuuno bang ka hi hi. Amaute in, “Singkung a gah phat hun lai takin phuktan ni; ama’ min a kiphawk nawn loh nadingin, amah that lum ni,” ci-in a gen uh, kei hong sawmna uh ahih lam ka thei kei kha hi.

Paunak 30:14

A ha uh namsau tawh a kibang, a ha uh temta tawh a kibang, gam sunga mizawngte a netum, mi cimawhte a liaktum mi pawlkhat om hi.

Paunak 1:16

Amaute a sia-in gamta nuam vanvan uh a, mi thah ding haksa sa lo uh hi.

Late 56:6

Amaute kikai khawmin hong buk uh hi, ka kalsuanna hong encik uh hi. Amaute in keimah hong thah ding a hanciam uh bangin,

Late 35:7

Bang hang hiam cih leh amaute in thu om lopi-in a ngenthang uh tawh kei hong siah uh a, thu om lopi-in gum to-in kei hong siah uh hi.

Late 17:12

Amaute in a balnen nuam humpinelkai tawh kibang uh a, humpinelkai khanglai sa-pang tawh kibang uh hi.

Johan 15:25

Tua ahih ciangin, ‘Thu om loin kei hong mudah uh hi,’ ci-in amau Thukhamna sungah a kigelh bangin a tun’ nading ahi hi.”

Paunak 24:15

Migilote’ gamtat bangin, thuman mite’ omna sugawp kei in la, amau’ teen’na inn luhgawp kei in.

Paunak 29:24

Guktakna sunga kipawl mipa, ama adingin thusia zongpa ahi hi. A guktakna pulak leh daan kitat ding a, genkhia kei leh lah kisamsia veve ding hi.