Obadiah 1:9 - Tedim Bible

⁹ Teman khua aw, Esau mual ah mi khempeuh a kithahlup khit nadingin, na galhangte a thanem ding uh hi.

Tedim Bible Revision 2017

⁹ Teman khua aw, Esauʼ gamah mi khempeuh a kithahlup khit nadingin na galhangte a meidawi ding uh hi.

Obadiah 1:9 Referans Kwoze

Amos 1:12

Tua ahih ciangin Teman gamsung ka kangsak ding a, Bozrah khuapi mun muanhuai teng kangtum ding hi.

Ezekiel 25:13

Tua ahih ciangin Edom mite daan pia-in, a mihing a ganhing-in ka thah mang nading thu tu-in kong pulak hi. Teman khuapi pan-a kipan Dedan khuapi dongin a gam sung khempeuh uh gamkhing ka suaksak ding a, a mite khempeuh uh gal sungah si ding uh hi.

Jeremiah 49:22

En un, galte in muvanlai bangin manlang takin hong leengin Bozrah khua tungah a sim dingin a kha hong zal ding uh hi. Tua ni ciangin Edom galkapte in nupi nausuak dingte bangin a lau ding uh hi,” a ci hi.

Piancilna 36:11

Elifaz’ tapate in Teman, Omar, Zefo, Gatam, leh Kenaz ahi hi.

Jeremiah 49:20

Ka mai-ah kua kumpi hong ding ngam ding ahi hiam? Tua ahih manin Edom mite’ thuak nading leh Teman gama teengte’ gim nading-a Topa’ gelna leh ngimnate ngai dih un. A tangeekte nangawn uh kikaikhia ding hi. Mi khempeuh lau taktak ding uh hi.

Jeremiah 49:7

Edom gam tawh kisai-in, a vanglian Topa in a gen-inah: “Teman gamah pilna om nawn lo ahi hiam? Thu ngaihsut siamte in ngaihsun thei nawn loin a pilna uh bei ta ahi hiam?

JOB (Job) 2:11

Job’ lawmte thum, Teman khuami Elifaz, Shuah gammi Bildad, leh Na-amah gammi Zofar-te in Job’ thuak gimna thu teng a zak uh ciangin a inn ciat panun amah hehnem ding leh a hanthawn dingin kituahin hong paikhawm uh hi.

Obadiah 1:21

Esau mual-a thukhen ding, a honkhia ding mite Zion mualah hong paito ding uh a, tua gam in Topa’ gam ahi ding hi.

Amos 2:16

Tua ni ciangin galhang pente nangawn, tai mang ding uh hi, Topa in ci hi.

1 KHANG TANGTHU MASATE 1:45

Jobab a sih ciangin ama tangin Teman mite’ gam mi Husham in uk hi.

Nahum 3:13

Na galkapte, numei bang hi lel ding a, na galte a lut zawh lohna dingin, na gamsung kihu zo lo ding hi. Mei in na kulh kongpi zawlte kangtum ding hi.

Thu-hilhkikna 2:5

amaute tawh kisel kei un; bang hang hiam cih leh amau’ leitang khat zong no kong pia peuhmah kei ding hi, Esau’ neih dingin ama tungah Seir Mual pia khin ka hih manin khe a ta khop zah zong no kong pia kei ding hi.

Obadiah 1:5

Zan-in na kiangah gutate leh misuamte a hong pai a, supna tampi na thuak hangin; a deih teng bek hong guksak ding hilo ahi hiam? Lenggah late na kiangah a hong pai leh a sanghte nusia lai teei uh hilo ahi hiam?

Habakkuk 3:3

Teman khua panin Pasian hong pai a, Paran Mual panin Siangtho Pa hong pai hi. Ama minthan’na in vanpi tuam a, leitung khempeuh, amah phatna tawh kidim hi.