Obadiah 1:4 - Tedim Bible

⁴ Muvanlai bangin sangpi-ah lengin, aksite lakah bu na bawl hangun, No kong khiasuk veve ding hi, Topa in a ci hi.

Tedim Bible Revision 2017

⁴ Muvanlai bangin sangpi ah leengin, aksite lakah bu na bawl hangun no kong khia suk veve ding hi, Topa in a ci hi.

Obadiah 1:4 Referans Kwoze

Habakkuk 2:9

Mi’ van na suhna uh tawh na mite uh hausakin, lauhuaina leh siatna a ngah loh nadingin na inn uh bawl na hih manun, gimna na ngah ding uh hi.

Amos 9:2

Lei to sukin misite omna Leinuai-ah a va tun uh hangin tua lai-ah amaute ka su ding a, vantungah a kah toh uh hangin zong, tua lai mahah amaute ka su veve ding hi.

Jeremiah 49:16

Na kihtakhuaina leh na kisaktheihna in nang hong khem zo hi. Suangken lakah na teeng a, mualsang tungah na teeng hi. Muvanlai bu zahin sangpi-in na teen’ hangin tua lai mun panin kong lakhia suk veve ding hi, Topa in kong ci hi.

Jeremiah 51:53

Babilon khua vantung-ah a kahtoh theih a, a sangpi-ah kip takin gal dalna a bawl theih hangin, Topa in kong cih-inah, kei’ kiang panin amah susia ding mi a hong pai teitei ding hi.

Isaiah 10:14

Vasa bu-mek bangin mihingte’ hauhna ka la ziau hi; a kinusia vasa tuite mite in a lak bangin leitung khempeuh ka la khin hi; a kha a zap, a kam a ka, a ham khat beek om lo hi,” ci hi.