Obadiah 1:3 - Tedim Bible

³ Na lungsim kiphatsakna un note a hong khem zo hi. Note in suang kulhpi beelin, mual dawnah na teen manun, “kua in a hong kiasak zo ding hiam?” ci-in na ngaihsun uh hi.

Tedim Bible Revision 2017

³ Na lungsim kiphatsakna un note a hong khem zo hi. Note in suang kulhpi beelin mual dawnah na ten manun, “Kua in eite hong puksak zo ding ahi hiam?” ci-in na ngaihsun uh hi.

Obadiah 1:3 Referans Kwoze

Jeremiah 49:16

Na kihtakhuaina leh na kisaktheihna in nang hong khem zo hi. Suangken lakah na teeng a, mualsang tungah na teeng hi. Muvanlai bu zahin sangpi-in na teen’ hangin tua lai mun panin kong lakhia suk veve ding hi, Topa in kong ci hi.

Paunak 29:23

A kiphasakte in niamkhiatna thuak ding a, a kiniamkhiatte in pahtawina ngah ding hi.

Isaiah 16:6

Moab’ kiphatsakna thu i za khin hi, amah kiphasak mahmah hi; a kiliatsakna, a kiphatsakna, a kihihsaknate— ama kisialhnate a mawkna ahi hi.

2 KUMPI NIHNATE 14:7

Amah in Edom mite tulsawm Ci Kuam ah thatin Sela khua do-in la a, tu ni dongin a min ahi Jokthe-el a phuak hi.

Malakhi 1:4

Esau’ suan-le-khak Edom mite in, “I khuapite a kisiat khit hangin i lamkik ding hi,” ci le uh, Topa in, “A ut uh leh lam uh hen, ahi zongin ka susia kik veve ding hi. Midangte in, ‘Gam gilo, Topa’ heh tawntungna minamte,’ ci-in ko ding uh hi,” ci-in dawng ding hi.

Jeremiah 49:4

A zulhzau numei aw, bang hangin na hatna kisaktheihpih na hi hiam? ‘Kua in hong sim zo ding hiam?’ ci-in bang hangin na hauhna suang na hi hiam?

Paunak 18:12

A kiniamkhiatte in zahtakna ngah uh a, a kihisakte in siat ding a manawh hi ta hi.

Paunak 16:18

Kisaktheihna in siatna hong tuak sak a, kiphatsakna in pukna hong piang sak hi.

2 KHANG TANGTHU NIHNATE 25:12

Judah mite in a dang tulsawm hing mat uh a, suangpi dawn khatah amaute paipihin suangpi dawn panin amaute lawnsuk uh hi; amaute khempeuh them len’ hi.

2 KHANG TANGTHU NIHNATE 25:11

Ahih hangin Amaziah kihanthawnin a mite paikhiatpih a, Ci Kuam ah pai-in Seir gam mite mihing tulsawm that hi.

JOB (Job) 20:6

Migilopa lianin vantung a banto zongin, lian mahmah in a lutang in meii lak a banto zongin,

Jeremiah 21:13

“Mualkuam zang pan kilam to a, zanglei laka suangtum banga sang to Jerusalem aw, Topa in kong cih-inah, nang’ lang khatah ka pang hi. Nangmah in, ‘Kua in kei hong simsuk ding a, i omna-ah kua hong lut ding hiam?’ na ci hi.

Jeremiah 37:9

Topa in kong cih-inah, Nang leh nang kikhemin, “Khaldea mite in hong kilehkik nawn lo taktak ding uh hi,” ci kha kei in. Bang hang hiam cih leh amau hong kilehkik ding uh hi.

Jeremiah 48:28

“Moab gam a, teeng mite aw, khuapite nusia un la, kawl lakah teeng un! Ken pang-a vakhu bu bawl bangin va om un.

Piancilna 36:8

Tua ahih ciangin Seir mual tung gamah Esau teng hi; Esau in Edom ahi hi.

Ezekiel 28:16

Na sumbawl luatna hangin ngongtatin mawhna sung na tung kha hi. Tua ahih manin ka mual siangtho panin nang ka hong hawl khia a, a tee zaizai suangmanphate lak panin nang hong cing kherubte in hong hawlkhia uh hi.