Obadiah 1:21 - Tedim Bible

²¹ Esau mual-a thukhen ding, a honkhia ding mite Zion mualah hong paito ding uh a, tua gam in Topa’ gam ahi ding hi.

Tedim Bible Revision 2017

²¹ A gualzo Jerusalem khua mite in Esauʼ gam simin uk ding uh a, tua gam pen Topaʼ gam ahi ding hi.

Obadiah 1:21 Referans Kwoze

Mangmuhna 11:15

Sagihna vantungmi in peengkul a tum ciangin, “Hih leitung gam in i Topa leh ama Khazih gam a suak zo hi. Amah in a tawntungin a uk ding hi,” ci-in vantungah nakpi-in a genna aw ka za hi.

Jeim 5:20

midang khat in tua mi a kiheisak kik leh, mawhnei mi’ lam pialna pan kihei kiksak a, kha khat sihna pan gumkhia a, mawhna tampi a khuhsak mi ahi ding hi ci-in thei ta hen.

Zekhariah 14:9

Tua ciangin Topa pen leitung khempeuh’ kumpi suak ding a, mi khempeuh in amah bek thei-in bia ding uh hi.

Daniel 7:27

Hih leitung kumpigam leh, vangliatna leh liatna khempeuh Sangpen Pasian mite tungah a kipia ding hi. Amau’ kumpi za in cikmah hunin bei ngeilo ding a, leitung ukna za a nei khempeuhte in a thu uh mangin amau’ na a sem ding uh hi.

1 TIMOTI MASA 4:16

Nangmah ahi zongin, na thuhilhna ahi zongin, kikeem in la, na om in. Hih nate-ah na kip tawntung in. Tua bang na hih leh, nangmah ahi zongin, na thu a ngaite ahi zongin gupna na ngahsak ding hi.

Late 22:28

Bang hang hiam cih leh ukna in Topa aa hi a, minamte tungah amah in uk hi.

Luka 22:30

note zong keima Gam sungah ka sabuai ah an ne-in tui na dawn theih nadingun note thu kong pia ding hi. Note in thukhen tokhom tungah tu-in, Israel mipawl sawm leh nihte tungah thu na khen ding uh hi,” a ci hi.

Daniel 2:44

Tua kumpite a maan’ lai takun, vantung Pasian in a bei thei ngei lo ding kumpigam a hong phut ding hi. Tua kumpigam kuamah in zo zo lo ding a, tua gam in gam dang khempeuhte zo gawpin, a kip tawntung ding hi.

Isaiah 19:20

Tua pen, Vanglianpen Topa’ adingin Izipt gam sungah lim leh teci hi ding hi; a nengniam mite’ bawlsiatna hangin Topa’ tungah amaute a kiko ciangin, amah in amaute’ tungah honpa khat sawl ding a, amaute hu’ in khahkhia ding hi.

Thukhente 2:16

Tua ciangin, amaute na a sut gawp mite’ vangliatna panin amaute a honkhia thukhente Topa in khangsak hi.

Mangmuhna 20:4

Tua lai takin kumpi tokhomte ka mu hi. Tokhom tungah a tu mite in thukhen theihna a ngah uh hi. Tua tham loin Zeisu’ teci pan’na hang leh Pasian’ thu hangin lu kitanna a thuak mite a nuntakna khate a kipan sahang leh sahang milim bia lo, ama ciamtehna a taltang tung leh khut tungah a nei lo mite nuntakna khate zong ka mu hi. Tua mite in kum tulkhat sung nungta-in, Khazih tawh a mang khawm uh hi.

Mangmuhna 19:6

Tua lai takin mi honpi’ aw, tui lianpi’ aw, nakpi vanging’ aw bang kampau’ aw in: “Hallelujah! Bang hang hiam i cih leh, Vanglianpen Topa i Pasian in a mang hi.

Mattiu 6:13

Kheemna hong thuaksak kei in. Gilopa kiang pan hong honkhia in,” ci-in tua bangin thu na ngen un,

Mattiu 6:10

Na Gam hong piang ta hen. Vantungah na deihna a kicin’mah bangin, leitungah kicing ta hen.

Joel 2:32

Tua ciangin Topa’ min tawh thu a ngen khempeuh in, gupkhiatna ngah ding uh hi. Topa’ gensa mah bangin, Zion Mual leh Jerusalem khua sungah a suakta mi om ding uh hi. Topa in a sap mite suakta ding uh hi.

Daniel 12:3

A pilte ahih uh leh vantung khuavak tawh a taang khawm ding uh hi. A pha-a a gamtat nading uh mi tampi thu a hilhte in aksi bangin a taang tawntung ding uh hi.

Daniel 7:14

Amah in vangliatna, minthan’na leh kumpi za ngah ahih manin, minam kimte, minam tuamtuamte, paunam tuamtuamte khempeuh in ama na a sem ding uh hi. Amah in a tawntungin uk ding a, a kumpi gam a bei ngeikei ding hi.

Daniel 2:35

Thakhatin sik, tungman, sumngo, ngun leh khamte kitam nen gawp a, khualkhal hun-a ansi zap bangin a lengmang hi. Huih in leen’ mangkhin ahih manin them kha beek a kimu nawn kei hi. Ahih hangin tua suangtum hong khangkhanga mual cia hong phain leitung khempeuh a dim hi.

Late 102:15

Minamte in Topa hong zahtak-in, leitung kumpi khempeuh in nangma minthan’na hong zahtak ding uh hi.

2 KUMPI NIHNATE 13:5

(Tua ahih ciangin Topa in Israel tungah honpa khat pia a, tua ahih manin Siriate khut sung panin amaute suakta uh hi. tua ciangin a ni danga bangin Israelte a inn uhah teeng uh hi.

Thukhente 3:9

Ahih hangin Israel mite Topa tungah kiko uh a, Topa in Kaleb’ naupa Kenaz’ tapa Othniel, amaute a honkhiapa ahi honpa khat Israel mite adingin khangsak hi.

Nehemiah 9:27

Hih thu hangin a galte uh khut sungah amaute na ap a, a galte un amaute hih gawpgawp uh hi. Ahi zongin amau a kihih gawpgawp hun ciangin nang tungah hong ko uh a, nangmah in vantung panin na za a, na hehpihna lianpi tawh amau’ galte kiang panin a honkhia ding honkhiate na puak hi.

Late 47:7

Bang hang hiam cih leh Pasian in leitung khempeuhte’ Kumpi ahi hi; lasakna tawh amah phat un!

Late 67:4

Mite thu a manin khenin, minamte leitungah lamlak na hih manin, minamte nuam-in lungdamna sa sak in.

Piancilna 25:23

Topa in ama kiangah, “Na gil sungah minam nih om hi, Nang’ sung pan a suak mihing nihte kikhen ding hi; khat in a dang khat sangin hatzaw ding hi, a u-zaw in a nauzaw’na sem ding hi,” ci hi.

Late 22:29

Hi hi, leitung kiphatsakna khempeuh ama mai-ah kunsuk ding hi; leivui-a paisuk khempeuh leh a kikem tawm thei lote ama mai-ah kun ding uh hi.

Isaiah 24:23

Tua ciangin khapi mial ding a, ni taang nawn lo ding hi; bang hang hiam cih leh Vanglianpen Topa in Zion Mual tung leh Jerusalem khua sungah uk ding a, ama upate’ mai-ah ama minthan’na kilangsak ding hi.

Micah 4:7

Khebaite ka om sak lai ding a, a kipaikhia mite a thahat minamte ka hisak ding hi. Tua hun akipan a tawntungin, Zion Mual panin amaute ka uk paisuak ding hi.