Obadiah 1:19 - Tedim Bible

¹⁹ Negeb gam mite in Esau mual a luah ding uh a, Shefelah mite in Filistia gam a luah ding uh hi. Amaute in Efraim gam leh Samaria gam a luah ding uh a, Benjamin in Gilead gam a luah ding hi.

Tedim Bible Revision 2017

¹⁹ Negeb gam mite in Esauʼ gam luah ding uh a, Shefelah mite in Filistia gam luah ding uh hi. Amaute in Efraim gam le Samaria gam luah ding uh a, Benjamin in Gilead gam luah ding hi.

Obadiah 1:19 Referans Kwoze

Amos 9:12

Tua ciangin Israel mite in, Edom gam a, om lai teng leh keima mi ahi ngei minam khempeuh zo-in ngah kik ding uh hi, Topa in ci hi.

Jeremiah 32:44

Benjamin gam, Jerusalem khua kimkot leh, Judah gam khuapite-a kipan mual tunga khuapite, Shefelah zanglei-a khuapite leh leitaw lam Negeb gama khuapite-ah sum tawh lo kilei ding a, a theihpih mite tawh thukimna min gelhin gip tawh a kikhen ding hi; bang hang hiam cih leh keimah in amaute a gam mah uhah ka om sak kik ding hi, Topa in kong ci hi,” a ci hi.

Ezekiel 36:28

Tua ciangin na pu na pate uh tungah ka piaksa gamah na teeng ding uh a, note in keima mi hi-in; kei in note’ Pasian ka hi ding hi.

Micah 7:14

Topa aw, nangma tuu ahi na mite na ciangkhut tawh hong cing in. Gamnuam lei hoihna sungah amau guakin om uh hi. Taanglai huna mah bangin, Bashan leh Gileah gam nuamah tasak in.

Amos 1:13

Topa in hih bangin ci hi: Ammon mite a khialh kikkik nilohna hangun, pel loin amaute daan ka tat ding hi. Bang hang hiam cih leh amaute in, huaihamin gam a deih thuah manun, Gileah gamsung simgawp uh hi.

Amos 1:8

Ashdod khuapi-a teeng mite ka lakhia ding a, Ashkelon khuapi ukte ka beisak ding hi. Ekron khuapi ka sugawp ding a, Filistia mi a om laite si ding uh hi.

Ezekiel 25:16

Tua ahih ciangin Filistia Kerethites mite simin ka beimang sak nading thu a hong genkhia ta ka hi hi. Filistia Zanglei-a om lai mi khempeuh ka susia mang ding hi.

Jeremiah 49:1

Ammon mite tawh kisai-in Topa in a gen-inah: “Israel mite in tapa nei lo uh ahi hiam? Inn luah ding nei lo uh ahi hiam? Bang hangin Milkom pasian biate in Gad gam la-in a khuapite sungah teeng uh ahi hiam?

Late 69:35

Bang hang hiam cih leh Pasian in Zion hon-in Judah khuapite lamkik ding a, ama nasemte tua lai-ah teengin tang pah ding uh hi;

Ezra 4:17

Tua ciangin kumpipa in hih bangin a lai uh thuk hi: “Menzipipa Rehum, lai-atpa Shimshai, leh Samaria leh Eufrates gungal gam sunga om na lawmte khempeuh uh tungah hopihna lai kong khak hi.

Ezra 4:2

Zerubbabel leh Jeshua leh innkuan lutangte kiangah va pai uh a, amaute kiangah, “Inn lamna ah ko zong hong kihel sak un; bang hang hiam cih leh note mah bangin ko zong na Pasian uh ka bia uh a, hih lai-ah kote hong koih Assiria kumpipa Esarhaddon’ hun lai-a kipanin note’ Pasian tungah biakna ka pia uh hi,” a ci uh hi.

1 KHANG TANGTHU MASATE 5:26

Tua ahih ciangin Israel’ Pasian in Assiria kumpipa Pul’ lungsim, Tilgath-pilneser a kici Assiria kumpipa’ lungsim hansuah a, amah in amaute, Reuben mite, Gad mite, leh Manasseh minam a langte pua khia-in, amaute Halah, Habor, leh Gozan gun-ah paipihin tu ni dongin tua lai-ah om uh hi.

2 KUMPI NIHNATE 17:24

Tua ciangin Assiria kumpipa in Babilon, Kuthah, Avva, Hamath, leh Sefarvaim panin mite paipih a, Israel mite’ tangin Samaria khuapite ah amaute koih hi; amaute in Samaria gam luahin a khuapite-ah teeng uh hi.

Joshua 15:33

Tua ciangin lei niamna lamah Eshtaol, Zorah, Ashnah,

Joshua 15:21

Leitaw lam mong ciik, Edom gamgi lamah Negeb gam Judah minamte’ neih khuapite in Kabze-el, Eler, Jagur,

Joshua 13:31

leh Gilead a lang, leh Ashtaroth, leh Edrei, Bashan gam-a Og’ kumpi gam khempeuh ahi hi; hihte amau' innkuan tawh kizui-in Makhir mi a langte adingin Manasseh’ tapa Makhir mite tungah kipia hi.

Joshua 13:25

Amau’ gam in Jazer, leh Gilead khuapite khempeuh, leh Rabbah nisuahna lamah a om Aroer ciang dong Ammon mite leitang kimkhat,

Gamlak-vakna 1:32

Josef mi, Efraim mi a kicite, a suan a khakte, kum sawmnih panin a tungsiah a min phazah tawh kizui-in a innkuankuan, a beh beh-in, galdo dingin a kuan thei pasal peuhmah: