Obadiah 1:18 - Tedim Bible

¹⁸ Tua ciangin Jakob innkuante mei ahi ding uh a, Josef innkuante meikuang ahi ding uh hi. Esau innkuante niinpa ahi ding uh a, amaute in a hal ding uh hi. A kangtum khin ding uh a, Esau innkuante khat beek a suakta kei ding uh hi. Bang hang hiam cih leh Topa in a gen zo hi.

Tedim Bible Revision 2017

¹⁸ Tua ciangin Jakob innkuante mei bang ding uh a, Josef innkuante meikuang bang ding uh hi. Esau innkuante nin pa bang hi ding uh a, amaute in a hal ding uh hi. Amaute kaang tum khin ding uh a, Esau innkuante khat zong a suakta kei ding hi. Bang hang hiam cih leh Topa in a gen zo hi.

Obadiah 1:18 Referans Kwoze

Zekhariah 12:6

Tua ni ciangin, Judah minamte, tulak kang leh buhphal kang ka bangsak ding a, a kiim-a om minam dangte khempeuh susia ding uh hi. Ahi zongin Jerusalem mite a khuapi sungah lungmuangin om hithiat ding uh hi.

Isaiah 10:17

Israel’ khuavak pen mei suakin, ama Siangtho Pa pen meikuang suak ding hi; ni khat sungin ama lingkungte leh lingte kang-in beitum ding hi.

Micah 5:8

A om lai Israel mite pen minam dangte lakah, gamlakah sa a beng, tuute a tuah ciangin manin balnen gawp a, a kam sung pan a honkhia zo a om lo, humpinelkai bang ding uh hi.

Ezekiel 37:19

amaute kiangah, Topa Pasian in hih bangin ci hi: Israel ciangkhut la-in Judah ciangkhut tawh ka koihkhawm ding hi. Tua ciangkhut nihte ciangkhut khat-in ka bawl ding a, ka khut sungah ka tawi ding hi, ci hi, ci-in gen in.

Isaiah 5:24

Tua ahih ciangin, mei in buhkung keute kangtum a, meikuang sungah lopa keute a kattum bangin, amaute’ zung pen muatna hi ding a, amaute’ pak palhte pen leivui bangin van-ah leengto ding hi; bang hang hiam cih leh Vanglianpen Topa’ thu nialin, Israelte’ Siangtho Pa’ thu simmawh uh hi.

1 KORIN MASA 3:12

Tua khuam tungah kham, ngun, suangmanpha, sing, lopa, buhkungte a lam a om leh,

Nahum 1:10

Amaute, linglom bangin om uh a, zu leh sa tawh kidiahin a om lai takun ham bangin kihaltum ding hi.

Obadiah 1:16

Bang hang hiam cih leh, ka mual siangtho tunga na thuak mah bangun; na kim na pama mi namte khempeuh in zong ka daan piakna a thuak ding uh hi. Thuak tawntung ding uh a, a piang ngei lo mah a bang ding uh hi.

Amos 6:6

Leenggahzu, hai lianpi pi-in na dawn uh a, sathau hoih pente tawh na kizut uh hi. Ahi zongin Josef minamte’ siatna hangin, them khat zong na dah het kei uh hi.

Amos 5:15

Thusia mudahin thupha deih un la, thukhen zumah a manin thu khen un. Tua hi leh, Josef minam a suakta sunte tungah, Topa, mihonpite’ Pasian hong thunuam kha thei ding hi.

Joel 2:5

Mual tungah a tuan zaizai laitakun, sakol leeng ging ziazuate, gamlaka lopa omte kangin a puak ziazua tawh kibang uh a, galsim dingin a kithawi, galkap honpi tawh kibang uh hi.

Ezekiel 37:16

“Ezekiel aw, sing ciangkhut khat la in la, a tungah, ‘Judah kumpi gam’, ci-in gelh in. Tua ciangin adang khat la leuleu in la, a tungah, ‘Israel kumpi gam’, ci-in gelh leuleu in.

Isaiah 47:14

En in, amaute pen buhkung tawh kibang uh a, mei in amaute kangtum hi; meikuang’ vangliatna panin amau leh amau kihontawm thei lo uh hi. Hih pen khua lum nading mei-am hi lo a, awi ding mei zong hi lo hi.

Isaiah 31:9

Amau’ belh a mun muanhuai uh, launa hangin tai ding a, buaina hangin a uliante in a lim uh taisan ding hi,” ama meikuang Zion ah a om, ama meikhuk Jerusalem khua ah a om Topa in ci hi.

2 SAMUEL NIHNA 19:20

Bang hang hiam cih leh ka khialh khitna na nasempa in thei hi; tua ahih ciangin, en in, ka to kumpipa dawn dingin a paisuk dingin Josef minam khempeuh sung panin a masa penin tu ni-in kong tung hi,” a ci hi.

Isaiah 9:18

Bang hang hiam cih leh gitlohna pen mei bangin kuang a, lingkungte leh lingte kangtum sak hi; gamlak lopa phate kuang sak a, meikhu lomtangin van lamah kizialto uh hi.

Isaiah 9:19

Vanglianpen Topa’ hehna hangin meikuang bangin gamsung kang a, mite pen mei-a kicih sing tawh kibang uh hi; kuamah in a sanggampa zahtuan lo hi.

Jeremiah 11:23

Anathoth khua mite tungah siatna tungsak a, ka daantah hun ciangin a nungta lai kuamah a om nawn kei ding hi,” a ci hi.

Amos 1:8

Ashdod khuapi-a teeng mite ka lakhia ding a, Ashkelon khuapi ukte ka beisak ding hi. Ekron khuapi ka sugawp ding a, Filistia mi a om laite si ding uh hi.

Malakhi 4:1

Vanglianpen Topa in hih bangin ci hi: “En un, mi kiphasak khempeuh leh migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kangtum khin ding uh hi.

Paikhiatna 5:12

Tua ahih ciangin a buhtu dingun buhkung a kaikhawm dingin Izipt gam khempeuhah mite kikhenthang uh hi.