Obadiah 1:17 - Tedim Bible

¹⁷ Ahih hangin Zion mualah pawlkhat a suakta ding uh a, mun siangtho a suak ding hi. Jakob innkuante in amau gam mah a luah kik ding uh hi.

Tedim Bible Revision 2017

¹⁷ Ahih hangin Zion mualah pawl khat va tai ding uh a, tua mun pen a siangtho suak ding hi. Jakob innkuante in amauʼ gam mah luahkik ding uh hi.

Obadiah 1:17 Referans Kwoze

Mangmuhna 21:27

A kihhuainate-a kipan muhdahhuai, thuman lo nate a bawl mi khat beek tum thei ngei lo ding hi. Tuuno’ nuntakna laibu sungah a kigelh mite bek in tum theihna thu a ngah ding uh hi.

Amos 9:8

Keimah in hih a khial Israel kumpigam ka encik a, hih leitung panin amaute ka susia ding hi. Ahi zongin a vekpi-un susia mang loin, pawlkhat ka siit lai ding hi.

Joel 2:32

Tua ciangin Topa’ min tawh thu a ngen khempeuh in, gupkhiatna ngah ding uh hi. Topa’ gensa mah bangin, Zion Mual leh Jerusalem khua sungah a suakta mi om ding uh hi. Topa in a sap mite suakta ding uh hi.

Joel 3:17

Tua ciangin Israelte aw, ka mual siangtho Zion tungah a teeng keimah in, Topa, note’ Pasian ka hihna na thei ding uh hi. Jerusalem in a siangtho biakna khuapi hi ding a, gamdang mite in zo kik ngei nawn lo ding uh hi.

Isaiah 60:21

Na mihingte khempeuh thuman ding hi; keima min a than’ nadingin keima suansa kung, ka khut tawh ka sepsa ahi gam pen amaute in nei pai suak ding uh hi.

Jeremiah 46:28

Topa in kong cih-inah, ka nasem pa Jakob’ suante aw, lau kei un. Bang hang hiam cih leh note kong ompih hi. Note kong thehthangna gamte khempeuh ka susia khin ding a, ahih bangin note kong susia khin kei ding hi. A kilawm zahin kong thuhilh ding a, daantat loin kong mawk nusiat kei ding hi,” a ci hi.

Isaiah 46:13

Ka dikna kong tungsak ta a, gamla nawn lo hi; ka hotkhiatna zekai lo ding hi; keima minthan’na ahi Israel adingin, Jerusalem ka honkhia ding hi.”

Isaiah 1:27

Topa thutang ahih manin Jerusalem khuapi honkhia ding a, a sunga teeng a kisik mi khempeuh zong dikna tawh honkhia ding hi.

Zekhariah 8:3

Ka khuapi Zion ah ciahkikin Jerusalem ah ka teeng ding hi. Tua ciangin Jerusalem pen a citak khuapi ci-in minthang ding a, Vanglianpen Topa’ mual in mual siangtho kici ding hi.

Jeremiah 44:28

Namsau tawh thahna a thuak kha lo, mi tawmkhate in Izipt gam panin Judah gama teeng dingin a pai a nungta lai sunte in kei’ kammal leh amau’ kammal koi zaw, a manin tung cih a thei ding uh hi.

Jeremiah 44:14

Izipt gamah pai-a a teeng Judah mi a om laite in a zuatkik nop uh ahi Judah gamah ciahkik thei nawn loin khat beek suakta loin, zong a nungta suak kei ding uh hi. Galtai pawl khat longal khat beek a suakta kei ding uh hi,” a ci hi.

Ezekiel 7:16

Mi pawl khatte in vakhu lau bangin mualtung tuh ding uh a, ahi zongin amau’ mawhna hangin si veve ding uh hi.

Late 69:35

Bang hang hiam cih leh Pasian in Zion hon-in Judah khuapite lamkik ding a, ama nasemte tua lai-ah teengin tang pah ding uh hi;

Isaiah 4:2

Tua ni ciangin Topa’ bulsel pen mel hoihin minthang ding a, leitung pan-a a piang gahte pen, a suakta Israel mite’ kiphatsakna leh minthan’na hi ding hi.

Zekhariah 8:12

Lungnuam takin lo kho sing pua-in nuamsa ding uh hi. Leengguite gah pha-in, lo-ah an tampi piang-in, guah tampi zu ding a, a suakta lai ka minamte tungah hih bang thupha khempeuh ka tungsak ding hi.

Isaiah 65:9

Jakob sung panin Judah minamte thupha ka pia ding a, amau’ suan leh khakte in mualtung gam a luah ding uh hi. Keima na hong sem, keima teel mite, tua gamah teeng ding uh hi.

Jeremiah 31:23

A vanglian Topa, Israel mite’ Pasian in hong gen-inah: “Keimah in amaute a gam uhah ka omkik sak ciangin, Judah gam leh a khuapite uhah amaute in, ‘Thuman thutak teen’na mual siangtho aw, Topa in thupha hong pia ta hen,’ ci-in a genkik leuleu ding uh hi.

Ezekiel 36:12

No ka mi Israelte, na leitang uhah kong gamtangsak kik ding hi. Note’ leitang suak ding a, tua leitang in na tate uh gilkial-in puksi sak nawn lo ding hi.

Daniel 7:18

Ahih hangin Sangpen Pasian’ mite in kumpi za a ngah ding uh a, a tawntungin a nei tawntung ding uh hi,” a ci hi.

Joel 3:5

Ka ngun, ka kham, leh ka na manpha tampite la-in, na biakinn sung uhah na puak uh hi.