Biblia Todo Logo
Bib sou entènèt

- Piblisite -




Obadiah 1:15 - Tedim Bible

15 Bang hang hiam cih leh minam kimte tunga ka thukhen nading ni a nai zo hi. Na bawl bangin nangma tungah a hong kibawl ding hi. Na hih bangin na lu bukah a hong tu kik ding hi.

Gade chapit la Kopi

Tedim Bible Revision 2017

15 Bang hang hiam cih leh minamkimte tungah ka thukhenna ding ni a nai zo hi. Nang bawl bangin nangma tungah hong kibawl ding hi. Na hih bangin na lu buk ah hong tukik ding hi.

Gade chapit la Kopi




Obadiah 1:15
28 Referans Kwoze  

Note in minam dang tampite’ na na sut uh a, tu-in a om lai mite in note’ na hong sut ding uh hi. Bang hang hiam cih leh note in mite thatin, khuapite leh a sunga teeng mite na bawlsia uh hi.


Bang hang hiam na cih uh leh, hehpihna a nei lo mi in, hehpihna ngah loin thukhenna a thuak ding hi. Hehpihna in thukhenna zoin a kisathei thei hi.


Bang hang hiam na cih uh leh, midangte tungah na khen uh bangin note in thukhenna na thuak ding uh hi. Midangte na piakna uh seeng bangin no zong seengin hong kipia kik ding hi.


Minamte’ siat nading hun, lungkham meiipi zin’ ding, Topa’ ni hong nai ta hi.


Ka thu hong mang lo minamte tungah hehna tawh phu ka la ding hi.


“Babilon khua sim dingin thal kap siam, thal tawi theite va sam un. Khuapi umcih un la, kuamah suakta sak kei un. Ama’ hihna tawh kituak-in, ama tungah hih un. Ama’ hih ngei mah bangin ama tungah bawl un. Bang hang hiam cih leh amah in kisa thei-in Topa ahi, Israel mite’ Siangtho Pa a simmawh hi.


Mi a susia, Babilon aw, kote tunga nong bawl bangin nang tungah hong thukpa in lungdamna ngah ta hen!


Kalai! A hun hong nai ta! Topa’ ni hong nai ta a, Vanglianpa’ suksiatna hong nai ta hi.


keima mi Israelte a siat gawp manin na lungdamna zah tawh kizui-in nangma tungah kong bawl ding hi. Seir Mualtung gam, Edom, leitang khempeuh, gamkhing suak ding hi. Tua ciangin Topa ka hihna thu mi khempeuh in thei ding uh hi,” hong ci hi.


Bang hang hiam cih leh Topa in kong cih-inah: Daan thuakna hai dawn ding a, kilawm lo mite nangawn in dawnin thuak veve uh ahih leh note in zong thuak loin om ding na hi uh hiam? Note in daan thuak loin na om kei ding uh a, hai na dawn uh kul ding hi.


Tua ciangin Adonibezek in, “A khutpite leh a khepi a ki-attan kumpi sawmsagihte in ka sabuai nuai-ah anneng kia tawm ngei uh hi; ka gamtatnasa bangin Pasian in kei hong thuk hi,” a ci hi. Tua ciangin amaute in Jerusalem-ah amah paipih uh a, tua mun-ah amah si hi.


“Pasian in bang hangin thu a khen ni ding hun seh lo a, ama na a semte thutang ahihna a lah ni ding seh lo ahi hiam?


Babilon khua a susia ding mi khat hong pai khin zo hi, A galkapte uh kiman khin a, a thalte uh a tum a tel suak khin hi. Bang hang hiam cih leh Topa in a thukkik thei Pasian hi a, a thukkik taktak ding hi.


Tua ahih manin keimah in a nungta Topa Pasian ka hih takpi mah bangin, hih ka minam nihte tungah na heh gamtatna, na muhdah bawlna, leh na hazat bawlna tawh kizui-in nangma tungah kong thukkik ding hi. Amaute tungah na gamtatnasa hangin daan hong pia ka hihna thu amaute in thei ding uh hi.


Zion mual tungah peengkul tum un la, Pasian’ mual siangtho tungah pataukohna tum un. Topa’ ni hong nai ta ahih manin, gamsung mi khempeuh lau ta uh hen.


Ama mi honpite tam mahmah uh ahih manin, amaute thu pia-in a mai uh-ah Topa awng a, ama thupiakna banga a semte hat mahmah uh hi. Topa’ ni ding nak kihtakhuai mahmah ahih manin, kua in thuak zo peuhmah ding ahi hiam?


Topa’ ni hong tun’ ding a ngaklah note’ adingin, bangzahin lauhuai ding hiam? Note’ adingin tua ni a hoihna bang om ding hiam? Tua ni in lungzin’ ni hi a, lungtaii ni hi lo hi.


Topa’ ni in khuavak ni hi loin khuamial ni hi a, maitaiina om lo, lungzin’ni ahi hi.


Ahih hangin kumpipa in hih thu a theih ciangin, Judah mite suk nadingin Haman in a geelsa thuhoih lopen Haman’ lutung mah a lehtuk nading, leh amah leh a tapate khuam tungah a kikhai nading lai-in gelhin thupia hi.


Migilopa’ mawhna in thangzak bang hi a, ama mawhna thang sung mahah amah awk hi.


Topa in ka mi Israel mite luah dinga ka piak gamh a susia nuam a gilo vengte tawh kisai-in ka cih-inah: “En un, a gam uh panin amau ka botkhia ding a, amau’ sung panin Judah mite ka lakhia ding hi.


Swiv nou:

Piblisite


Piblisite