Obadiah 1:12 - Tedim Bible

¹² Na sanggamte a tuahsiat ni-un munuam dah hoh un. Judah mite a kisiat ni-un nuam kei un. A kisiat ni-un lungdam kei un. A cihmawh ni-un nuihsan kei un.

Tedim Bible Revision 2017

¹² Na sanggamte uh a tuahsiat ni-in mu nuam dah hoh un. Judah mite a kisiat ni-in lungdamin nuam kei un. A kisiat ni-in lungdam kei un. A cihmawh ni-in nuihsan kei un.

Obadiah 1:12 Referans Kwoze

Micah 4:11

Note a sim dingin minam tampi hong kikhawm uh hi. Amaute in, “Jerusalem kisusia ding a, a mit in hih khuapi a siasa-in mu ding hi,” ci uh hi.

Ezekiel 35:15

keima mi Israelte a siat gawp manin na lungdamna zah tawh kizui-in nangma tungah kong bawl ding hi. Seir Mualtung gam, Edom, leitang khempeuh, gamkhing suak ding hi. Tua ciangin Topa ka hihna thu mi khempeuh in thei ding uh hi,” hong ci hi.

Paunak 17:5

A zawngte a simmawhpa in amah a Piangsakpa a simmawh hi a, midangte tuahsiatna-ah a lungdam mipa in daan tuak hamtang ding hi.

1 SAMUEL MASA 2:3

Tua bangin kiphatsakna tawh pau nawn kei in la, na kam sung pan kihihsakna gingkhiasak kei in; bang hang hiam cih leh Topa in theihna Pasian hi a, amah in gamtatnate tawikhai hi.

2 PETER NIHNA 2:18

Bang hang hiam na cih uh leh, khialhna ahih thei mite sung pan a taisuak dek takte tungah kisaktheihna kam mawkna genin pumpi deihna lunggulh luatna tawh, mawhna-ah a zol thei uh hi.

Juda 1:16

Tua mite in phunin a mawhsak thei mi, amaute lunggulh deihgawhna bangin a gamta thei mi, a kam un kisaktheihna thu a gen thei mi, amau noptuamna ngaihsunin mi maitang a zahtak thei mi ahi uh hi.

Late 37:13

ahih hangin Topa in migilopa’ hun tung ta mu ahih manin amah nuihsan lel hi.

Late 31:18

Thumante lang pang a, kihihsak pau in, kiphatsakna leh simmawhna tawh kam a pau, zuauthu gen mukte pau thei lo sak in.

Late 22:17

Ka guh khempeuh ka sim thei hi—amaute in sal gega-in kei hong en uh hi;

JOB (Job) 31:29

Ka galte in gimna a thuak ciangin ka kipak ngei kei a, haksatna a tuah ciangun ka lungdam ngei kei hi.

Mangmuhna 13:5

Tua sahang kiangah a lianpi thute leh kosiatna thu tampi a gen thei muk ahi zongin, kha sawmli leh kha nih tawntung om nading thu ahi zongin, a pia hi.

Jeim 3:5

Tua mah bangin leii in na neu ahih hangin alianpi nate a kisaktheihpih thei hi. Bang zah alian sing tampi a neu mahmah mei tawh a kikangsak thei hi cih no na en un.

Luka 19:41

Zeisu in a naih ciangin khuapi mu-in kap a,

Kah la 4:21

Edom leh Uzmite aw nuinui mai un, ahih theih laiteng kipak un. Bang hang hiam cih leh siatna hun hong tung ding a, a hong tun’ ciangin na guaktangun om-in, maizum-in na om ding uh hi.

Isaiah 37:24

Nangmah in na nasempa zangin, Topa na zahko a, Lebanon mual dong pek, mual sangte tungah ka leeng tampite tawh ka pai khin hi; taamtak sing a sang pente, taksing hoih pente ka phuk khin hi; a sang pen mun, tulak a thuk penna munah ka paikhin hi.

Late 92:11

Ka galte’ pukna ka mitte in mu khin a, keimah hong do a gilote’ siatna ka bilte in za khin ta hi.

Late 59:10

Ka Pasian in ama itna kip tawh kei hong dawn ding a, ka Pasian in gualzawhna tawh ka galte hong ensak ding hi.

Late 54:7

Bang hang hiam cih leh haksatna khempeuh panin kei nong honkhia khin a, ka galte a guallelhna ka mu khin hi.

JOB (Job) 18:20

Nisuahna pan nitumna dong ama thuakna a za peuhmah kigaih-in launa tawh liing uh hi.

Late 35:15

Ahih hangin kei ka tukna-ah amaute nuamin kikhawm uh a, keimah langpangin kikaikhawm uh hi; ka theih ngei loh khebaite nangawn in tawlnga loin kei hong gensia hi;

Kah la 2:16

Na galte in hong simmawh uh a, muhdahna tawh a hong siik-et uh hi. “Khuapi susia zo ta hang! I suksiat zawh mateng i cihcih niloh mah hi” ci-in a hagawi uh hi.

Ezekiel 35:12

Tua ciangin, nangmah in, ‘Israel mualtungte gamkhing suakta a, keima ading hita hi,’ ci-in simmawhna tawh na kam paunate, Topa ahi keimah in a za ka hih lam na thei ding hi.

Ezekiel 36:5

Topa Pasian ahi keimah in a kimkot-a om minam dangte, leh a diak diakin Edom mite tungah ka heh luatna tawh thu ka gen hi. Amaute in lungdamin nuihna leh simmawhna tawh keima leitang la-in tang uh hi.