Obadiah 1:10 - Tedim Bible

¹⁰ Bang hang hiam cih leh, na sanggampa Jakob bawlsia-a na thahna hangin; mai zumna in nang hong khuh ding a, na khan tawnin na mangthang ding hi.

Tedim Bible Revision 2017

¹⁰ Bang hang hiam cih leh na sanggampa Jakob bawlsia-in na thahna hangin maizumna in nang hong khuh dinga, na khantawnin na mangthang ding hi.

Obadiah 1:10 Referans Kwoze

Amos 1:11

Topa in hih bangin ci hi: Edom mite a khialh kikkik nilohna hangun, pel loin amaute daan ka tat ding hi. Bang hang hiam cih leh amaute in, a sanggam uh Israelte namsau tawh delh uh a, hehpihna lungsim nei lo uh hi. A hehna uh damsak ngei lo uh a, a tawntungin heh niloh uh hi.

Ezekiel 35:9

A gamkhingin kong bawl paisuak ding a, na khuapite sungah kuamah teeng kik nawn lo ding hi. Tua ciangin Topa ka hihna thu na thei ding hi.

Late 89:45

Nangmah in ama tangval a thahat hun na tomsak a, maizumna tawh amah na kidimsak hi.

Piancilna 27:41

A pa in amah thupha pia khin ahih amnin tua thupha hangin tu-in Esau in Jakob mudah a, Esau in “Ka pa’ sihna hangin dah nading hun hong nai ta hi; tua khit ciangin ka sanggampa Jakob ka that ding hi,” ci-in ngaihsun hi.

Late 137:7

Topa aw, Jerusalem a siat ni-a Edom mite in, “Sumai un, sumai un! A bulpi dongin sumai un!” a cih vialna uh phawk in.

Micah 7:10

Tua hun ciangin ka galte in hih thu mu ding uh a, “Na Topa Pasian koi-ah om hiam? ci-in hong tawng ka galte maizum ding uh hi. Amaute guallel ding a, kongzing buan bangin a kisik gawp mu-in kei ka nuam ding hi.

Joel 3:19

Amaute in Judah gam simin, mawhnei lo mite that uh ahih manin, Izipt gam in sehnel gam suakin, Edom gam in gamsia suak ding hi.

Ezekiel 7:18

Amaute dahna limin puanhampi silh ding uh a, pumliin’ gawp ding uh hi. A sam uh kimettolsak ding a, a min uh dai ding hi.

Kah la 4:21

Edom leh Uzmite aw nuinui mai un, ahih theih laiteng kipak un. Bang hang hiam cih leh siatna hun hong tung ding a, a hong tun’ ciangin na guaktangun om-in, maizum-in na om ding uh hi.

Jeremiah 51:51

Note in, ‘Kote in maizumna ka thuak uh a, simmawhna kam ka za khin uh hi. Minsiatna in ka maitang uh hong tuam khin hi; bang hang hiam cih leh Topa’ biakinn siangtho, gamdang mite in a hong lak sak uh hi,’ na ci uh hi.

Jeremiah 49:13

Bang hang hiam cih leh Topa in kong cih-inah Bozrah khua in mite’ lipkhap ding, zahpih ding, nusiat ding leh kihaamsiatna a, a zat ding uh a suak ding hi,” a ci hi.

Jeremiah 3:25

Tua ahih manin, zumin lum ni: i minsiatna silh ni. Bang hang hiam cih leh i neulai akipan tu ni ciang dong eite leh i pu i pate in Topa i Pasian’ tungah i mawh khin zo hi. Topa i Pasian’ thu i mang kei khin zo hi,” a ci uh hi.

Late 132:18

Ama galte maizumna tawh ka kidimsak ding a, ahih hangin ama kumpigam khangin zai semsem ding hi,” na ci hi.

Late 109:29

Kei hong mawhsakte in mindaina silh uh hen la, puanza silh bangin amau’ maizumna tawh kituamcip ta uh hen!

Late 69:7

Bang hang hiam cih leh nangma hangin kona ka thuak a, maizumna in ka maitang hong tuam khin hi.

Piancilna 27:11

Ahih hangin Jakob in a nu Rebekah' kiangah, “En in, ka sanggampa Esau in mul nei mi hi a, keimah in ci neel mi ka hi hi.

Thu-hilhkikna 23:7

“Edom mite khatpeuh na mudah kei ding uh hi; bang hang hiam cih leh amaute in na sanggam uh ahi hi; Izipt mi khatpeuh na mudah kei ding uh hi; bang hang hiam cih leh amau’ gamah peemta na hi ngei uh hi.

2 KHANG TANGTHU NIHNATE 28:17

Bang hang hiam cih leh Edom mite in Judah sim kikin zo uh a, galmatin puakhia uh hi.

Paunak 10:6

Mihoihte in thupha ngah a, migilote in thusia bekbek gen hi.

Thu-hilhkikna 23:8

Amaute sung pana piang a khang thumna mite Topa’ ading kikhopna sungah lut thei ding uh hi.

Paunak 17:5

A zawngte a simmawhpa in amah a Piangsakpa a simmawh hi a, midangte tuahsiatna-ah a lungdam mipa in daan tuak hamtang ding hi.

Jeremiah 12:14

Topa in ka mi Israel mite luah dinga ka piak gamh a susia nuam a gilo vengte tawh kisai-in ka cih-inah: “En un, a gam uh panin amau ka botkhia ding a, amau’ sung panin Judah mite ka lakhia ding hi.

Kah la 4:22

Jerusalem in a mawhna thaman a sang khin zo hi. Ka thuak ding uh a nasiapen pen teng ka thuak khin zo uh hi. Ahih hangin Edom aw, Topa in nang daan hong pia ding a, na mawhna a hong pholak sak ding hi.